പ്രമുഖ നടി കമല കാമേഷ് അന്തരിച്ചു

ചെന്നൈ: പ്രമുഖ നടി കമല കാമേഷ് അന്തരിച്ചു. വാര്‍ദ്ധക്യ സഹജമായ അസുഖങ്ങളെ തുടര്‍ന്ന് ചികിത്സയിലായിരുന്നു. തെലുങ്ക്,കന്നഡ, മലയാളം എന്നീ ഭാഷകളില്‍ സജീവമായിരുന്നു. മലയാളത്തിൽ 11 സിനിമകളിൽ അഭിനയിച്ചിട്ടുണ്ട്. ആളൊരുങ്ങി അരങ്ങൊരുങ്ങി, അമൃതം ഗമയ, വീണ്ടും ലിസ, ഉത്സവപിറ്റേന്ന് തുടങ്ങിയ മലയാളം സിനിമകളിൽ അഭിനയിച്ചു. വീട്ടിലെ വിശേഷം എന്ന തമിഴ് ചിത്രത്തിലാണ് അവസാനമായി അഭിനയിച്ചത്. നടിയും നര്‍ത്തകിയുമായ ഉമ റിയാസ് ഖാനാണ് മകള്‍. നടന്‍ റിയാസ് ഖാന്റെ ഭാര്യമാതാവാണ്.