കടക്കെണി, തകഴിയിൽ കർഷകൻ ആത്മഹത്യ ചെയ്തു

ആലപ്പുഴ: കടബാധ്യത മൂലം തകഴിയിൽ കർഷകൻ ആത്മഹത്യ ചെയ്തു. തകഴി കുന്നുമ്മ അംബേദ്കർ കോളനിയിലെ പ്രസാദ് (55) ആണ് മരിച്ചത്. ഇന്നലെ വിഷം കഴിച്ച് അവശനിലയിലായതിനെ തുടർന്ന് പ്രസാദിനെ തിരുവല്ലയിലെ സ്വകാര്യ ആശുപത്രിയിൽ പ്രവേശിച്ചിരുന്നു. ഇന്നു പുലർച്ചെയാണ് മരിച്ചത്. നെല്ല് സംഭരിച്ചതിന്റെ വില പി ആർ എസ് വായ്പയായി കിട്ടിയിരുന്നു. എന്നാൽ സർക്കാർ പണം തിരിച്ചടയ്ക്കാത്തതിനാൽ മറ്റ് വായ്പകൾ കിട്ടിയിരുന്നില്ല. ഇതിൽ മനം നൊന്താണ് പ്രസാദ് ആത്മഹത്യ ചെയ്തതെന്ന് ബന്ധുക്കൾ ആരോപിച്ചു.