മരത്താക്കരയിൽ തീപിടുത്തം; ഫർണീച്ചർ കട കത്തിനശിച്ചു

തൃശൂർ: മരത്താക്കരയിൽ ഉണ്ടായ വൻ തീപിടുത്തത്തിൽ ഫർണീച്ചർ കട പൂർണമായി കത്തിനശിച്ചു. ഇന്ന് പുലർച്ചെ നാലു മണിയോടെയായിരുന്നു തീപിടുത്തം ഉണ്ടായത്. ഫയർ ഫോഴ്സിൻ്റെ അഞ്ച് യൂണിറ്റുകൾ എത്തിയാണ് തീ നിയന്ത്രണവിധേയമാക്കിയത്. സംഭവം നടക്കുമ്പോൾ പ്രദേശത്ത് ശക്തമായ മഴ പെയ്തതിനാൽ തീ കൂടുതൽ ഭാഗത്തേക്ക് വ്യാപിച്ചില്ല. അപകടം ഉണ്ടായത് എങ്ങനെയാണെന്ന് വിശദമായ പരിശോധന നടത്തും.