ഫ്ലക്സും ടാര്‍പോളിനും ട്രാക്കിലേക്ക് വീണു; അൽപസമയം നിശ്ചലമായി കൊച്ചി മെട്രോ

കൊച്ചി: കനത്ത മഴയിലും കാറ്റിലും കൊച്ചി മെട്രോ സ‍ര്‍വീസ് തടസപ്പെട്ടു. ട്രാക്കിലേക്ക് ഫ്ലക്സ് ബോർഡ് മറിഞ്ഞു വീണു. കലൂര്‍ മെട്രോ സ്റ്റേഷനും ടൗൺ ഹാൾ മെട്രോ സ്റ്റേഷനും ഇടയിലാണ് അപകടം ഉണ്ടായത്. ഇതോടെ ഈ റൂട്ടിൽ ഗതാഗതം നിര്‍ത്തി വയ്‌ക്കേണ്ടതായി വന്നു.

കൊച്ചി നഗരത്തിൽ ശക്തമായ കാറ്റും മഴയുമാണ്. പിന്നീട് ഫ്ലക്സ് ബോര്‍ഡ് മാറ്റിയ ശേഷം സര്‍വീസ് പുനരാരംഭിച്ചു. അത് കൂടാതെ എറണാകുളം സൗത്ത് – കടവന്ത്ര സ്റ്റേഷന് ഇടയിൽ മെട്രോ ട്രാക്കിലേക്ക് ടർപ്പോളിനും മറിഞ്ഞു വീണു അതോടെ രണ്ട് ഭാഗത്തേക്കുമുള്ള ട്രെയിൻ സര്‍വീസ് അൽപസമയം നിർത്തിവയ്‌ക്കേണ്ടതായി വന്നു.