ജോസഫ് പണിക്കർ ക്ക് ഫോക്കസ് കുവൈറ്റ് യാത്രയയപ്പ് നൽകി!

കുവൈറ്റ് സിറ്റി: ഏതാണ്ട് നാലു പതിറ്റാണ്ട് കാലത്തെ പ്രവാസ ജീവിതമവസാനിപ്പിച്ചു ജന്മനാട്ടിലേക്ക് പോകുന്ന കുവൈറ്റിലെ അറിയപ്പെടുന്ന പാരിസ്ഥിതിക സാമൂഹ്യ സാംസ്ക്കാരിക പ്രവർത്തകനായ ജോസഫ് മാത്യൂസ് പണിക്കർക്ക് ഫോക്കസ് കുവൈറ്റ് യാത്രയയപ്പ് നൽകി. ഫോക്കസ് ന്റെ ആരംഭകാല മുതൽ എല്ലാവിധ ഉപദേശക നിർദേശങ്ങൾ നൽകിയിരുന്ന ശ്രീ ജോസഫ് പണിക്കർ 'പാൻ അറബ് കൺസൾട്ടൻസി'യിൽ ഇലെക്ട്രിക്കൽ വിഭാഗം തലവൻ ആയി ചുമതല വഹിച്ചു വരികയായിരുന്നു.

പ്രസിഡന്റ് ജീജി മാത്യൂ, ജനറൽ സെക്രട്ടറി ഷഹീദ് ലബ്ബ, ജോ.സെക്രട്ടറി മനോജ് കലാഭവൻ, ജോ. ട്രഷറർ സജിമോൻ, ടെക്ക്നിക്കൽ കോർഡിനേറ്റർ രതീഷകുമാർ എന്നിവർ സാന്നിഹിതർ ആയിരുന്നു. ഫോക്കസിന്റെ ഉപഹാരം പ്രസിഡന്റ് ജിജി മാത്യൂ അദ്ദേഹത്തിന് നൽകി ആദരിച്ചു.