ഫോക്ക് വനിതാവേദി ലേഡീസ് ഡേ ഔട്ട്‌ വിനോദയാത്ര സംഘടിപ്പിച്ചു
കുവൈറ്റ് സിറ്റി : ഫ്രണ്ട്സ് ഓഫ് കണ്ണൂർ കുവൈറ്റ് എക്സ്പാറ്റ്സ് അസോസിയേഷൻ ( അന്താരാഷ്ട്ര വനിതാ ദിനത്തോടനുബന്ധിച്ച് അംഗങ്ങൾക്കായി ലേഡീസ് ഡേ ഔട്ട്‌ വിനോദയാത്ര സംഘടിപ്പിച്ചു. റൗദ പാർക്ക് കുവൈറ്റ് മ്യൂസിയം എന്നിവിടങ്ങളിലേക്ക് ആണ് യാത്ര ഒരുക്കിയിരുന്നത്.
ചെയർപേഴ്സൺ ഷംനാ വിനോജിന്റെ അധ്യക്ഷതയിൽ ഫോക്ക് പ്രസിഡന്റ് ലിജീഷ് പി ഉദ്ഘാടനം ചെയ്തു. ജനറൽ സെക്രട്ടറി ഹരിപ്രസാദ് വൈസ് പ്രസിഡണ്ട് മാരായ എൽദോ ബാബു, ദിലീപ് കുമാർ, ആർട്സ് സെക്രട്ടറി വിനോജ് കുമാർ വനിതാവേദി ട്രഷറർ ശില്പ വിപിൻ ജോയിന്റ് കൺവീനർ സ്മിഗിന ലിജീഷ്, വൈസ് ചെയർ പേഴ്സൺ ശ്രീഷ ദയാനന്ദൻ, ജോയിന്റ് ട്രഷറർ ഷിജി സനത്, വനിതാ വേദി സ്ഥാപക അംഗമായ പ്യാരി ഓമനക്കുട്ടൻ, മുൻചെയർ പേഴ്സൺ മാരായ ബിന്ദു രാജീവ്‌, ബിന്ദു രാധാകൃഷ്ണൻ, ലീന സാബു, സജിജ മഹേഷ്‌, മുൻ എക്സിക്യൂട്ടീവ് അംഗം രൂപ അനിൽ എന്നിവർ ആശംസകൾ നേർന്നു.
ജനറൽ കൺവീനർ അഖില ഷാബു സ്വാഗതം ആശംസിച്ച ചടങ്ങിൽ മൂന്ന് സോണലുകളുമായി നൂറോളം വനിതാവേദി അംഗങ്ങൾ പങ്കെടുത്തു. വൈകുന്നേരം വരെ പരിപാടികൾ നീണ്ടുനിന്നു. പ്രോഗ്രാം കൺവീനർ വൃന്ദ ജിതേഷ് നന്ദി പറഞ്ഞു. മറ്റു ഭാരവാഹികൾ നേതൃത്വം നൽകി.
