കുതിപ്പ് തുടർന്ന് സ്വര്‍ണവില

സംസ്ഥാനത്ത് സ്വര്‍ണവില റെക്കോർഡ് നിരക്കിലേക്ക്. പവന് 80 രൂപ കൂടി 52,600 രൂപയായി. ഗ്രാമിന് 10 രൂപ കൂടി 6575 രൂപയായി. ഇന്നലെ ഒരു പവൻ സ്വർണത്തിനു 52,520 രൂപയായിരുന്നു. ‌ഗ്രാമിന് 6565 രൂപയും. ഗ്രാമിന് 10 രൂപയുടെ വർദ്ധനവാണ് ഇന്നുണ്ടായത്. ഡോളറിനോട് രൂപയുടെ മൂല്യം ഇടിഞ്ഞതും സുരക്ഷിത നിക്ഷേപമായി സ്വര്‍ണം വാങ്ങുന്നവരുടെ എണ്ണം വര്‍ധിച്ചതും വില വര്‍ധനയ്ക്ക് കാരണമായിട്ടുണ്ട്. സ്വര്‍ണവില മുന്നോട്ടു കുതിക്കാനാണ് സാധ്യതയെന്ന് വിദഗ്‌ധർ അഭിപ്രായപ്പെടുന്നു.