കനത്ത മഴയിൽ കൊച്ചിയിൽ വെള്ളക്കെട്ട് രൂക്ഷം; പലയിടത്തും ഗതാഗതം തടസ്സപ്പെട്ടു
കൊച്ചി: കനത്ത മഴ തുടരുന്ന സാഹചര്യത്തിൽ നഗരത്തില് പലയിടത്തും വെള്ളക്കെട്ട് രൂക്ഷമായി തുടരുകയാണ്. എംജി റോഡ്, ഇന്ഫോ പാര്ക്ക് തുടങ്ങിയ ഇടങ്ങളിലും താഴ്ന്ന പ്രദേശങ്ങളിലും വെള്ളം കയറിയിട്ടുണ്ട്. പലയിടത്തും ഗതാഗതകുരുക്കും രൂക്ഷമാണ്. ആലുവ-ഇടപ്പള്ളി റോഡിലും സഹോദരന് അയ്യപ്പന് റോഡിലും വെള്ളക്കെട്ട് രൂക്ഷമാണ്. വൈറ്റില, കളമശ്ശേരി, പാലാരിവട്ടം എന്നിവിടങ്ങളില് ഗതാഗത കുരുക്ക് ഉണ്ടാകുന്നുണ്ട്. കൂത്താട്ടുകുളം- ഫോര്ട്ട് കൊച്ചി കെഎസ്ആര്ടിസി ബസിന് മുകളില് മരം വീണു. ആര്ക്കും പരിക്കില്ല.
സംസ്ഥാനത്ത് മഴ ശക്തമാകുമെന്ന മുന്നറിയിപ്പുണ്ട്. തിരുവനന്തപുരം മുതല് കോഴിക്കോട് വരെയുള്ള ജില്ലകളില് യെല്ലോ അലർട്ടാണ്.
സംസ്ഥാനത്ത് ഇത്തവണ കാലവര്ഷ സീസണില് സാധാരണയേക്കാള് കൂടുതല് മഴ ലഭിക്കാന് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ പുതുക്കിയ മണ്സൂണ് പ്രവചനം.