ഇനിമുതൽ പിൻസീറ്റിലെ യാത്രക്കാരും സീറ്റ് ബൽറ്റ് ധരിക്കണം; ഓർമ്മപ്പെടുത്തലുമായി എംവിഡി

തിരുവനന്തപുരം: യാത്രകളില്‍ സീറ്റ് ബെല്‍റ്റ് നിർബന്ധമായും ധരിണക്കമെന്ന് അധികാരികൾ പലപ്പോഴും നമ്മെ ഓർമപ്പെടുത്താറുണ്ട്. ഇപ്പോഴിതാ സീറ്റ് ബെൽറ്റിന്റെ പ്രാധാന്യം വിവരിച്ച് വീണ്ടും രം​ഗത്തെത്തിയിരിക്കുകയാണ് മോട്ടോര്‍ വാഹന വകുപ്പ്. മുന്‍സീറ്റിലെപ്പോലെ പിന്‍സീറ്റിലും ഇരിക്കുന്നവര്‍ യാത്രകളില്‍ നിര്‍ബന്ധമായും സീറ്റ് ബെല്‍റ്റ് ധരിക്കണമെന്നാണ് എംവിഡിയുടെ പുതിയ അറിയിപ്പ്. ഒരു വാഹനം ഏത് നിമിഷത്തിലും അപകടത്തില്‍പ്പെടാം. ആ അടിയന്തിര ഘട്ടത്തില്‍ വാഹനം നിയന്ത്രണത്തിലോ അല്ലാതേയോ നിര്‍ത്തപ്പെടും. ചിലപ്പോള്‍ മലക്കംമറിയാം. അത്തരം അടിയന്തിരഘട്ടങ്ങളില്‍ യാത്രക്കാരെ രക്ഷിക്കാന്‍ കണ്ടുപിടിച്ച ഒന്നാണ് സീറ്റ് ബെല്‍റ്റെന്ന് എംവിഡി അറിയിച്ചു.