വീട്ടമ്മയും യുവാവും മരിച്ച നിലയില്‍; മരണത്തിൽ ദുരൂഹത

കൊല്ലം : ദുരൂഹ സാഹചര്യത്തിന്‍ യുവാവിനെയും യുവതിയെയും തീ കൊളുത്തി മരിച്ച നിലയില്‍ കണ്ടെത്തി . യുവതിയുടെ വീട്ടിലാണ് ഇരുവരുടെയും മൃതദേഹങ്ങള്‍ കണ്ടെത്തിയത്. അഞ്ചല്‍ തടിക്കാട് സ്വദേശികളായ ബിജു, സിബി എന്നിവരാണ് മരിച്ചത്. ബിജു വൈകീട്ട് സിബിയുടെ വീട്ടില്‍ എത്തിയതിന് പിന്നാലെയാണ് സംഭവം നടന്നതെന്ന് പോലീസ് പറഞ്ഞു . ഇരുവരും ഏറെ നാളുകളായി സുഹൃത്തുക്കളായിരുന്നു. സിബിയുടെ ഭര്‍ത്താവ് വിദേശത്ത് ജോലി ചെയ്യുകയാണ്. ഇവര്‍ തമ്മില്‍ ചില സാമ്പത്തിക ഇടപാടുകള്‍ ഉണ്ടായിരുന്നെന്നും സംഭവത്തില്‍ വിശദമായ അന്വേഷണം തുടരുകയാണെന്നും പൊലീസ് വ്യക്‌തമാക്കി .