യോഗർട്ട് ഉണ്ടാക്കാൻ പഠിക്കാം: പരിശീലനം വെറ്ററിനറി സർവകലാശാലയിൽ

വിപണിയിൽ ഏറെ പ്രിയമുള്ളതും ആരോഗ്യദായകവുമായ പാലുത്പന്നമായ യോഗർട്ടിൻ്റെ നിർമ്മാണത്തിൽ വെറ്ററിനറി സർവകലാശാല പരിശീലനം നൽകുന്നു.വയനാട് പൂക്കോടുള്ള ഡെയറി സയൻസ് കോളേജിൽ ഫെബ്രുവരി 15, 16, 17 തിയതികളിലാണ് പരിശീലനം.യോഗർട്ട് നിർമ്മാണം ഒരു സംരഭമായി തുടങ്ങാൻ താത്പര്യമുള്ളവർക്ക് പരിശീലനം പ്രയോജനപ്പെടുമെന്ന് സംഘാടകർ പറയുന്നു. താത്പര്യമുള്ള സംരഭകരും ക്ഷീരകർഷകരും ഫെബ്രുവരി 10-നു മുമ്പായി 9744975460 എന്ന നമ്പറിൽ വിളിച്ച് രജിസ്റ്റർ ചെയ്യണം. ഫീസ്: 3000 രൂപ. പൂക്കോട് ടെക്നോളജി ഇൻഫർമേഷൻ ആൻഡ് സെയിൽസ് സെൻ്ററിൻ്റെ നേതൃത്വത്തിലാണ് പരിശീലനം സംഘടിപ്പിച്ചിരിക്കുന്നത്.