ഇടതുപക്ഷത്തിന് 40000 വോട്ട് ഭൂരിപക്ഷം ഉണ്ടായിരുന്ന ചേലക്കരയിൽ ഭരണവിരുദ്ധ വികാരം പ്രകടം: കെ സുധാകരൻ എംപി

പാലക്കാട് ഭൂരിപക്ഷം 10000 ത്തിന് മുകളിൽ എത്തുമെന്ന് കെ സുധാകരൻ എംപി. ചേലക്കരയിൽ 40,000 ത്തിലധികം ഭൂരിപക്ഷം ഉണ്ടായിരുന്നിടത്ത് ഇപ്പോഴുള്ള ഭൂരിപക്ഷം സർക്കാരിനോടുള്ള ജനങ്ങളുടെ ഭരണവിരുദ്ധ വികാരം തന്നെയാണെന്ന് പറയാൻ കഴിയുമെന്നും കെ സുധാകരൻ പറഞ്ഞു. വയനാട്ടിൽ പ്രിയങ്ക ഗാന്ധിയുടെ ലീഡ് നില കുതിച്ചുയരുകയാണ്. രണ്ടു ലക്ഷത്തിൽ അധികം ലീഡ് നില ഇപ്പോൾ തന്നെയുണ്ട്. വലിയ വിജയം തന്നെയാണ് യുഡിഎഫ് നേടിയെടുക്കുന്നതെന്നും കെ സുധാകരൻ കൂട്ടിച്ചേർത്തു.