അണ്ടർ 19 ലോകകപ്പ് ക്രിക്കറ്റിൽ ഇന്ത്യ ഫൈനലിൽ

ആതിഥേയരായ ദക്ഷിണാഫ്രിക്കയെ രണ്ട് വിക്കറ്റിന് തോല്പിച്ചാണ് ഇന്ത്യയുടെ ഫൈനൽ പ്രവേശനം.സ്കോർ ദക്ഷിണാഫ്രിക്ക 244/7 (50), ഇന്ത്യ 248/8 (48.5).

245 റൺസ് വിജയലക്ഷ്യവുമായി ഇറങ്ങിയ ഇന്ത്യ ഒരു ഘട്ടത്തിൽ 32 ന് നാല് എന്ന നിലയിൽ തകർന്നിരുന്നു. എന്നാൽ അഞ്ചാം വിക്കറ്റ് കൂട്ടുകെട്ടിൽ ഒത്ത് ചേർന്ന ക്യാപ്റ്റൻ ഉദയ് സഹറാനും, സച്ചിൻ ദാസും ചേർന്നെടുത്ത 171 റൺസ് ഇന്ത്യയെ മത്സരത്തിലേക്ക് മടക്കി കൊണ്ടുവന്നു.

സച്ചിൻ ദാസ് 96 നും, ഉദയ് സഹാറൻ 80 നും പുറത്തായതോടെ ഇന്ത്യ വീണ്ടും അപകടം മണത്തു. മുരുകൻ അഭിഷേക് റണ്ണൗട്ടായതും ഭീതി വിതച്ചെങ്കിലും കൂടുതൽ വിക്കറ്റ് നഷ്ടപ്പെടുത്താതെ ഇന്ത്യ വിജയം നേടുകയായിരുന്നു.

പാക്കിസ്ഥാൻ - ഓസ്ട്രേലിയ മത്സരത്തിലെ വിജയിയാണ് ഫൈനലിൽ ഇന്ത്യയ്ക്ക് എതിരാളികൾ