ഇന്ത്യൻ ക്രിക്കറ്റ് ടീം നായകൻ രോഹിത് ശർമ്മക്കും റിതികയ്ക്കും ആണ്‍കുഞ്ഞ് പിറന്നു

മുംബൈ: ഇന്ത്യൻ ക്രിക്കറ്റ് ടീം നായകൻ രോഹിത് ശർമ്മക്കും ഭാര്യ റിതിക സജദേഹിനും ആണ്‍കുഞ്ഞ് പിറന്നു. രണ്ടാമത്തെ കുട്ടിയെയാണ് ഇരുവരും സ്വാഗതം ചെയ്യുന്നത്. 2018ല്‍ ഇരുവർക്കും സമെയ്റയെന്ന പേരില്‍ പെണ്‍കുട്ടി പിറന്നിരുന്നു. റിതികയുടെ പ്രസവത്തിന് മുന്നോടിയായി രോഹിത് ക്രിക്കറ്റില്‍ നിന്നും താല്‍ക്കാലിക ഇടവേളയെടുത്തിരുന്നു. ഇതുമൂലം ബോർഡർ-ഗവാസ്കർ ട്രോഫിയുടെ പരിശീലന സെഷനില്‍ രോഹിതിന് പങ്കെടുക്കാൻ സാധിച്ചിരുന്നില്ല.