ലോക്സഭയിൽ സെഞ്ചുറി അടിച്ച് കോൺഗ്രസ്; സ്വതന്ത്രനായി വിജയിച്ച വിശാൽ പാട്ടീൽ കോൺഗ്രസിൽ ചേർന്നു

ന്യൂഡൽഹി: ലോക്സഭയിൽ സീറ്റെണ്ണത്തിൽ സെഞ്ച്വറി അടിച്ച് കോൺഗ്രസ്. മഹാരാഷ്ട്രയിൽ സ്വതന്ത്രനായി വിജയിച്ച വിശാൽ പാട്ടീൽ കോൺഗ്രസിൽ ചേർന്നതോടെയാണ് ലോകസഭയിൽ കോൺഗ്രസിന്റെ സീറ്റ് നേട്ടം 100 തികഞ്ഞത്. മഹാരാഷ്ട്രയിലെ സാംഗ്ലി ലോകസഭാ മണ്ഡലത്തിൽ നിന്നും സ്വതന്ത്രനായി വിജയിച്ച വിശാൽ പാട്ടീൽ എഐസിസി ആസ്ഥാനത്ത് കോൺഗ്രസ് അധ്യക്ഷൻ മല്ലികാർജ്ജുന ഖാർഗെ സാന്നിധ്യത്തിൽ പാർട്ടിയിൽ ചേർന്നു. തുടർന്ന് സോണിയ ഗാന്ധി രാഹുൽ ഗാന്ധി എന്നിവരെയും സന്ദർശിച്ചു.