ജനങ്ങൾക്ക് സഹകരണ ബാങ്കുകളോടുള്ള വിശ്വസ്തത ഉറപ്പാക്കുവാൻ സർക്കാർ അടിയന്തരമായി ഇടപെടണം. എം. വിൻസെന്റ് എം എൽ എ

കാട്ടാക്കട : ജനങ്ങൾക്ക് സഹകരണ ബാങ്കുകളോടുള്ള വിശ്വസ്തത ഉറപ്പാക്കുവാൻ സർക്കാർ അടിയന്തരമായി ഇടപെടണമെന്ന് എം. വിൻസെന്റ് എം എൽ എ. കണ്ടല സർവീസ് സഹകരണ ബാങ്കിൽ യുഡിഎഫ് കാട്ടാക്കട നിയോജകമണ്ഡലം കമ്മിറ്റി നടത്തിവരുന്ന നാലാം ദിവസത്തെ റിലേ സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഈ വിഷയത്തിൽ സംസ്ഥാന സഹകരണ വകുപ്പും വകുപ്പ് മന്ത്രിയും നിക്ഷേപം തിരികെ കൊടുക്കാനുള്ള യാതൊരു നടപടിയും സ്വീകരിക്കാത്തതിനെ അദ്ദേഹം കുറ്റപ്പെടുത്തി. സി പി ഐ സംസ്ഥാന നേതൃത്വം ഇക്കാര്യത്തിൽ മറുപടി പറയണമെന്നും, ഭാസുരാംഗന്റെയും കൂട്ടാളികളുടെയും സ്വത്ത് കണ്ടുകെട്ടി നിക്ഷേപകരുടെ ആത്മഹത്യകൾ ഒഴിവാക്കുവാൻ നിക്ഷേപതുക തിരിച്ചുകൊടുക്കുവാൻസർക്കാർ തയ്യാറാകണമെന്നും എംഎൽഎ ആവശ്യപ്പെട്ടു. സമരത്തിൽ ദളിത്‌ കോൺഗ്രസ്‌ സംസ്ഥാന പ്രസിഡന്റ്‌ എ കെ ശശി, മലയിൻകീഴ് വേണുഗോപാൽ, എം ആർ ബൈജു, പേയാട് ശശി, ജയകുമാർ, സി. വേണു, മലവിള ബൈജു, വണ്ടന്നൂർ സദാശിവൻ, ഊരുട്ടമ്പലം വിജയൻ, നക്കോട് അരുൺ, ജാഫർഖാൻ തുടങ്ങിയവർ സംസാരിച്ചു.