മനു തോമസിനെ കോണ്‍ഗ്രസിലേക്ക് ക്ഷണിച്ച് കണ്ണൂർ ഡിസിസി പ്രസിഡന്റ്

കണ്ണൂർ : സിപിഎമ്മിൽ നിന്നും പുറത്തുപോയ കണ്ണൂരിലെ യുവ നേതാവ് മനു തോമസിനെ കോണ്‍ഗ്രസിലേക്ക് സ്വാഗതം ചെയ്ത് കണ്ണൂര്‍ ഡിസിസി പ്രസിഡന്റ് മാര്‍ട്ടിന്‍ ജോര്‍ജ്. മനു തോമസിനെ കോണ്‍ഗ്രസിലേക്ക് ക്ഷണിക്കുന്നുവെന്ന് അദ്ദേഹം അറിയിച്ചു.

സ്വര്‍ണക്കടത്ത്, ക്വട്ടേഷന്‍ സംഘങ്ങള്‍ക്ക് പാര്‍ട്ടിയുമായി ബന്ധമുണ്ടെന്ന ഗുരുതരമായ ആരോപണങ്ങള്‍ മനു ഉന്നയിച്ചിരുന്നു. മനുവിന്റെ വെളിപ്പെടുത്തലുകളിൽ അന്വേഷണം വേണമെന്ന് കോണ്‍ഗ്രസ് ആവശ്യപ്പെട്ടു. കേന്ദ്ര ഏജന്‍സികളുടെ അന്വേഷണം ഉൾപ്പെടെയുള്ള കാര്യങ്ങൾ ആവശ്യമാണെന്നും കണ്ണൂര്‍ ഡിസിസി പ്രസിഡന്റ് പറഞ്ഞു.