കരുവന്നൂർ തട്ടിപ്പ്; സിപിഎം ജില്ലാ സെക്രട്ടറി ചോദ്യംചെയ്യലിന് ഹാജരാകണമെന്ന് ഇഡി

കൊച്ചി : കരുവന്നൂർ ബാങ്കിലെ കള്ളപ്പണ ഇടപാടുമായി ബന്ധപ്പെട്ട് ചോദ്യം ചെയ്യലിന് ഹാജരാകണമെന്ന് തൃശ്ശൂർ സിപിഎം ജില്ലാ സെക്രട്ടറി എം എം വർഗീസിന്‌ നോട്ടീസ് നൽകി ഇ ഡി. ഇന്നലെ നോട്ടീസ് നൽകിയെങ്കിലും മെയ് ദിന പരിപാടികൾ ഉണ്ടെന്ന കാരണത്താൽ ചോദ്യം ചെയ്യലിന് ഹാജരായില്ല. ഇന്ന് 11 മണിക്ക് കൊച്ചിയിലെ ഓഫീസിൽ എത്താനാണ് നിർദ്ദേശം. മരവിപ്പിച്ച അക്കൗണ്ടിൽ ഒരു കോടി രൂപ നിക്ഷേപിക്കാൻ കഴിഞ്ഞ ദിവസം എത്തിയത് ഇ ഡി പിടിച്ചെടുത്തിരുന്നു. ഇതിനെക്കുറിച്ചും എം എം വർഗീസ് മറുപടി നൽകേണ്ടതായി വരും.