വയനാട്ടിൽ വീണ്ടും കാട്ടാന: ജാ​ഗ്രതാ നിർദ്ദേശം

മാനന്തവാടി: വയനാട് മാനന്തവാടിക്കടുത്ത് പായോട് ജനവാസ മേഖലയിൽ വീണ്ടും കാട്ടാന ഇറങ്ങി. റേഡിയോ കോളർ ഘടിപ്പിച്ച ഒറ്റയാൻ ആണ് ഇറങ്ങിയത്. ആന നഗരത്തിലെ കോടതി വളപ്പിലേക്ക് കടന്നു. ജനങ്ങൾക്കും സ്കൂളുകൾക്കും ജാഗ്രതാ നിർദ്ദേശം നൽകിയിട്ടുണ്ട്. സ്കൂളിൽ എത്തിയ കുട്ടികളെ സുരക്ഷിതമായി മാറ്റണമെന്നും വീട്ടിൽ നിന്നു ഇറങ്ങാത്തവർ പുറപ്പെടരുതെന്നും നിർദേശമുണ്ട്. കർണാടക വനമേഖലയിൽ നിന്നെത്തിയ ആനയാണെന്നാണ് പ്രാഥമിക നിഗമനം. വനം ജീവനക്കാരും പോലീസും സ്ഥലത്തെത്തിയിട്ടുണ്ട്.