പാലക്കാട് നഗരസഭയിൽ കയ്യാങ്കളി; ബിജെപി - സിപിഎം വോട്ടുതർക്കം

പാലക്കാട്: ബിജെപി ഭരിക്കുന്ന പാലക്കാട് നഗരസഭാ കൗൺസിൽ യോഗത്തിൽ കയ്യാങ്കളി. ഭരണ – പ്രതിപക്ഷ അംഗങ്ങൾ തമ്മിലാണ് ഏറ്റുമുട്ടിയത്. ബിജെപിയുടെ വോട്ട് എവിടെ പോയെന്ന് സിപിഎം കൗൺസിലർമാർ ചോദിച്ചതോടെയാണ് തർക്കം ആരംഭിക്കുന്നത്. എന്നാൽ ബിജെപിയുടെ കാര്യം ചോദിക്കാൻ സിപിഎമ്മിന് എന്ത് കാര്യമെന്ന് ബിജെപി അംഗങ്ങൾ ചോദിച്ചു. നഗരസഭാ ചെയർപഴ്‌സൻ പ്രമീള ശശിധരൻ അംഗങ്ങളോട് ഇരിക്കാൻ ആവശ്യപ്പെട്ടെങ്കിലും തർക്കം കയ്യാങ്കളിയിലേക്ക് കടന്നു. ഇതിനിടയിൽ സി പി എം അംഗങ്ങളും ചെയര്പേഴ്സണും തമ്മിൽ വാക്കുതർക്കമുണ്ടായി. യുഡിഎഫിലെ കൗൺസിലർമാരെ ചർച്ചയ്ക്കു വിളിക്കുന്നതുമായി ബന്ധപ്പെട്ടും തർക്കമുണ്ടായി. ചെയർപഴ്‌സനെതിരെ സിപിഎം അംഗങ്ങൾ നടുത്തളത്തിൽ ഇറങ്ങിയതോടെ ബിജെപി അംഗങ്ങളും നടുത്തളത്തിൽ ഇറങ്ങി.