കെ ഇ എ കുവൈറ്റ് പ്രസംഗ പരിശീലന ക്ലാസ് നടത്തി !
കുവൈറ്റ് സിറ്റി : കെ ഇ എ കുവൈറ്റ് (കാസർഗോഡ് എക്സ്പാട്രിയാറ്റ്സ് അസോസിയേഷൻ ) പുതു നേതൃത്തത്തെ സൃഷ്ട്ടിക്കുന്നതിനു വേണ്ടിപ്രസംഗ പരിശീലന ക്ലാസ് സംഘടിപ്പിച്ചു. പ്രസിഡന്റ് രാമകുഷ്ണൻ കള്ളാറിൻ്റെ അദ്ധ്യക്ഷതയിൽ ചീഫ് പാട്രൻ സത്താർ കുന്നിൽ ഉൽഘടനം ചെയ്തു.
കുവൈത്തിലെ അറിയപ്പെടുന്ന സാമൂഹിക പ്രവർത്തകൻ ബാബുജി ബത്തേരി ക്ലാസ്സിന്ന് നേതൃത്വം നൽകി. കഴിഞ്ഞ ഒരു മാസ മായി പ്രസംഗ പരിശീലന ക്യാമ്പ് നടന്നു വരികയായിരുന്നു . ഒരു പ്രാസംഗികൻ കേൾവിക്കാരെ എത്രമാത്രം പരിഗണിക്കണമെന്നും , എതൊല്ലാം തരത്തിലുള്ള മര്യാദകൾ പാലിക്കണമെന്നും, പ്രാസംഗികൻ അവൻ്റെ വസ്ത്രധാരണവും, ശ്രദ്ധിക്കണമെന്ന് അദ്ദേഹം പറഞ്ഞു. സംസാരിക്കുന്ന ആശയങ്ങൾ, അത് കൈമാറുന്ന രീതി എല്ലാം തിരിച്ചറിയുകയും വേണമെന്ന സന്ദേശമാണ് ബാബുജി ബത്തേരി ക്ലാസ്സിൽ നൽകിയത്.
ജനറൽ സെക്രട്ടറി ഹമീദ് മധൂർ, ചിഫ് കോർഡിനേറ്റർ ഹനീഫ പാലായി, ഓർഗനൈസിംഗ് സെക്രട്ടറി ഫൈസൽ സി. എച്, വൈസ് പ്രസിഡന്റ് മുഹമ്മദ് കുഞ്ഞി സി എച്. എന്നിവർ ആശംസകൾ നേർന്നു. പ്രോഗ്രാം കൺവീനർ ഹാരിസ് മുട്ടും തല സ്വാഗതവും, ട്രഷറർ അസീസ് തളങ്കര നന്ദിയും പറഞ്ഞു.