കേരളം ഉരുകുന്നു; എട്ട് ജില്ലകളില്‍ യെല്ലോ അലര്‍ട്ട്

തിരുവനന്തപുരം: സംസ്ഥാനത്ത് ഉയർന്ന താപനില . എട്ട് ജില്ലകളില്‍ ഇന്ന് യെല്ലോ അലര്‍ട്ട് . എറണാകുളം, കൊല്ലം, കോഴിക്കോട്, കോട്ടയം, കണ്ണൂര്‍, ആലപ്പുഴ , പാലക്കാട്, തൃശൂര്‍ ജില്ലകളിലാണ് മുന്നറിയിപ്പ്. ഇവിടങ്ങളിൽ സാധാരണയേക്കാള്‍ 2 മുതല്‍ 4 വരെ ഡിഗ്രി സെല്‍ഷ്യസ് കൂടുതല്‍ ഉയരാന്‍ സാധ്യതയെന്നു കേന്ദ്ര കാലാവസ്ഥാ വകുപ്പിന്‍റെ മുന്നറിയിപ്പില്‍ പറയുന്നു. പാലക്കാട് 38 ഡിഗ്രി ഉയര്‍ന്ന താപനിലസെല്‍ഷ്യസും കോഴിക്കോട്, കൊല്ലം, കണ്ണൂര്‍, ആലപ്പുഴ ജില്ലകളില്‍ താപനില 37 ഡിഗ്രി സെല്‍ഷ്യസും എറണാകുളം,തൃശൂര്‍, കോട്ടയം എന്നിവിടങ്ങളിൽ ഉയര്‍ന്ന താപനില 36 ഡിഗ്രി സെല്‍ഷ്യസ് വരെയും ഉയരാന്‍ സാധ്യതയുണ്ട്.
മലയോര മേഖലകളിലൊഴികെ, മറ്റു ജില്ലകളിൽ ഉയര്‍ന്ന താപനിലയും ഈര്‍പ്പമുള്ള വായുവും കാരണം, ചൂടും അസ്വസ്ഥതയുമുള്ള കാലാവസ്ഥയ്ക്കും സാധ്യതയുണ്ടെന്നും മുന്നറിയിപ്പുണ്ട്.