ഓണാഘോഷം ഗംഭീരമാക്കി കേരളപ്രസ്സ് ക്ലബ് കുവൈറ്റ്.

_{കുവൈറ്റ് സിറ്റി : കുവൈറ്റിലെ മലയാളി മാധ്യമപ്രവർത്തകരുടെ കൂട്ടായ്മയായ കേരള പ്രസ്‌ക്ലബ് കുവൈത്ത് ഓണാഘോഷം നടത്തി. ഫർവാനിയ ഷെഫ് നൗഷാദ് ഓഡിറ്റോറിയത്തിൽ നടന്ന പരിപാടിയിൽ പ്രസ് ക്ലബ് അംഗങ്ങളും അഭയദായ കാംക്ഷികളും കുടുംബ സമേതം പങ്കെടുത്തു. പ്രസിഡണ്ട്‌ സുജിത് സുരേഷൻ അധ്യക്ഷത വഹിച്ചു . ജനറൽ സെക്രട്ടറി സലിം കോട്ടയിൽ ആമുഖപ്രസംഗം നടത്തി . വീക്ഷണം പ്രതിനിധി കൃഷ്ണൻ കടലുണ്ടി ഓണസന്ദേശം നൽകി. മുൻ ഭാരവാഹികളായ ടി വി ഹിക്മത്ത്, മുനീർ അഹമ്മദ്, അനിൽ നമ്പ്യാർ, സത്താർ കുന്നിൽ തുടങ്ങിയവർ ആശംസകൾ നേർന്നു.}

_{എ അസ്ലം (മാധ്യമം ) , അബ്ദുൽ റസാഖ് കുമാരനല്ലൂർ (സത്യം ഓൺലൈൻ) , ഷാജഹാൻ (വിബ്‌ജിയോർ) , രഘു പേരാമ്പ്ര (കൈരളി) തുടങ്ങിയവർ ഓണാഘോഷങ്ങൾക്ക് നേതൃത്വം നൽകി. അസീസ് തിക്കോടി, നിജാസ് കാസിംതുടങ്ങിയവരും സന്നിഹിതരായിരുന്നു. റാഫി കാലിക്കറ്റ് ന്റെ നേതൃത്വത്തിൽ ഗാനമേളയും കുട്ടികൾക്കും മുതിർന്നവർക്കും ആയി തയ്യാറാക്കിയ വിവിധ ഓണക്കളികളും കൂടിയായപ്പോൾ കേരളം പ്രസ്സ് ക്ലബ് ന്റെ നേതൃത്വത്തിന് ഈ ഓണാഘോഷം മാതൊരു തിലക കുറിയായി തീർന്നു. വിഭവ സമൃദ്ധമായ ഓണസദ്യയുമുണ്ടായി.}