കെ എം സി സി 'നോളഡ്‌ജ്‌ കോൺഫ്ലുവന്സ്' പ്രഖ്യാപന സമ്മേളനം നടത്തി!
കുവൈത്ത് സിറ്റി: കെ എം സി സി കൊയിലാണ്ടി മണ്ഡലം കമ്മിറ്റി നടപ്പിലാക്കുന്ന വിദ്യാഭ്യാസ സഹായ പദ്ധതിയായ 'നോളഡ്‌ജ്‌ കോൺഫ്ലുവന്സ' യുടെ പ്രഖ്യാപന സമ്മേളനം നടത്തി. മുസ്ലിം ലീഗ് എഴുപത്തഞ്ചാം വാര്ഷികത്തോടനുബന്ധിച്ച് എഴുപത്തഞ്ച് വിദ്യാർത്ഥികൾക്ക് വിദ്യാഭ്യാസ സഹായം നൽകുന്ന പദ്ധതിയാണ് 'നോളഡ്‌ജ്‌ കോൺഫ്ലുവന്സ്'. കെ എം സി സി സംസ്ഥാന പ്രസിഡണ്ട് സയ്യിദ് നാസർ അൽ മശ്ഹൂർ തങ്ങൾ ഉദ്‌ഘാടനം ചെയ്തു. കൊയിലാണ്ടി മണ്ഡലം പ്രസിഡണ്ട് ടി വി ലത്തീഫ് അധ്യക്ഷത വഹിച്ചു. മോട്ടിവേട്ടറും പ്രഭാഷകനുമായ റാഷീദ് ഗസ്സാലി മുഖ്യ പ്രഭാഷണം നടത്തി.
കെ എം സി സി സംസ്ഥാന വൈസ് പ്രസിഡണ്ട് ഫാറൂഖ് ഹമദാനി 'നോളഡ്‌ജ്‌ കോൺഫ്ലുവന്സ' വിശദീകരിച്ചു. സംസ്ഥാന ജനറൽ സെക്രട്ടറി ശറഫുദ്ധീൻ കണ്ണേത്ത്, മുസ്ലിം ലീഗ് നിലമ്പൂർ മണ്ഡലം വൈസ് പ്രസിഡണ്ട് അബ്ദുൽ നാസർ, മുഹമ്മദലി മെഡക്‌സ്, കെ എം സി സി മണ്ഡലം വൈസ് പ്രസിഡണ്ട് നിയാസ് കൊയിലാണ്ടി പ്രസംഗിച്ചു. നേതാക്കളായ റഊഫ്‌ മഷ്ഹൂർ തങ്ങൾ, ഫാസിൽ കൊല്ലം, സലാം നന്തി, ഷാനവാസ്‌ കാപ്പാട്,അസീസ്‌ തിക്കോടി, മണ്ഡലം ഭാരവാഹികളായ ഇസ്മായിൽ സൺഷൈൻ, കരീം കെ. കെ. പൂക്കാട്, നവാസ് കോട്ടക്കൽ, ഗഫൂർ ഹസനാസ് പ്രസീഡിയം നിയന്ത്രിച്ചു. ജനറൽ സെക്രട്ടറി അനുഷാദ് തിക്കോടി സ്വാഗതവും വൈസ് പ്രസിഡണ്ട് ശരീഖ് നന്തി നന്ദിയും പറഞ്ഞു.