കെഎംസിസി പാലക്കാട്‌ ജില്ല : ഉബൈദ് ചങ്ങലീരി ട്രോഫി ഫ്ളൈറ്റേഴ്സ് എഫ്സി ജേഥാക്കളായി!

കുവൈറ്റ് സിറ്റി : കെഎംസിസി പാലക്കാട് ജില്ലാ കമ്മിറ്റി സംഘടിപ്പിച്ച പ്രഥമ ഉബൈദ് ചങ്ങലീരി മെമെമ്മോറിയൽ ട്രോഫി ഫുട്‌ബോൾ ടൂർണമെന്റ് ഫ്ളൈറ്റേഴ്സ് എഫ്‌ സിയും ബീച്ച് എഫ് സിയും തമ്മിൽ തടന്ന ഫൈനൽ മത്സരത്തിൽ ഒന്നിനെതിരെ മുന്ന് ഗോളുകൾക്ക് ഫ്ലൈറ്റ്ഴ്സ് എഫ് സി ജേതാക്കളായി. ഫഹാഹീൽ സൂക്ക് സബാഹ് ഗ്രൗണ്ടിൽ നടന്ന മത്സരങ്ങളിൽ 16 ടീമുകൾ മാറ്റുരച്ചു.

വിജയികൾക്കുള്ള ട്രോഫി സ്കൈവേയ് ഗ്രുപ് മാനേജിങ് ഡയറക്ടർ നാസർ പട്ടാമ്പിയും ജില്ലാ പ്രസിഡന്റ് അഷ്‌റഫ് അപ്പക്കാടനും ചേർന്ന് കൈമാറി. രണ്ടാം സ്ഥാനക്കാരായ ബീച്ച് എഫ്‌സിക്കുള്ള ട്രോഫി കിഫാക് പ്രസിഡന്റ് മൻസൂർ കുന്നത്തേരിയും ജില്ലാ ജനറൽ സെക്രട്ടറി ബഷീർ തെങ്കരയും ചേർന്ന് കൈമാറി. മൂന്നാം സ്ഥാനക്കാരായ ബ്രദേർസ്‌ മീനാപ്പീസ് നുള്ള ട്രോഫി പൽപ്പക്ക്‌ പ്രസിഡന്റ സക്കീർ പുതുനഗരവും ജനറൽ സെക്രട്ടറി ശശി കുമാറും കൈമാറി, ഫെയർ പ്ലേയ് ട്രോഫി കരസ്തമാക്കിയ ഫ്രൈഡേ മോർണിംഗ് എഫ്‌സിക്ക് ജില്ലാ വൈസ് പ്രസിഡന്റ് അഷ്‌റഫ് തൂത ട്രോഫി നൽകി. ചാമ്പ്യൻ മാർക്കുള്ള ക്യാഷ് പ്രൈസ് നിസാർ പട്ടാമ്പിയും, റണ്ണേഴ്‌സിനുള്ള ക്യാഷ് പ്രൈസ് സുലൈമാൻ പിലാത്തറയും കൈമാറി.

ജില്ലാ നേതാക്കളായ സൈദലവി ഒറ്റപ്പാലം ജില്ലാ സ്പോർട്സ് വിംഗ് ചെയർ മാൻ സൈദലവി വിളയൂർ ഷാനിഷദ് തുടങിയവർ നേതൃത്വം നൽകി. മണ്ഡലം ഭാരവാഹികളും സന്നിഹതരായിരുന്നു.