ന്യൂ ഇയർ ആഘോഷത്തിൽ പങ്കുചേരാൻ കൊച്ചി മെട്രോയും

കൊച്ചി: ന്യൂ ഇയർ ആഘോഷത്തിൽ പങ്കുചേരാൻ ഇക്കുറി കൊച്ചി മെട്രോയും. ന്യൂ ഇയർ ആഘോഷത്തിന്റെ ഭാഗമായി സർവീസ് സമയം നീട്ടിയിരിക്കുകയാണ് കൊച്ചി മെട്രോ. ജനുവരി ഒന്നിന് പുലർച്ചെ ഒരു മണി വരെ മെട്രോ സർവീസ് ഉണ്ടായിരിക്കുന്നതാണ്. ഡിസംബർ 31ന് രാത്രി 20 മിനിറ്റ് ഇടവിട്ട് സർവീസ് നടത്താനാണ് തീരുമാനം. പുലർച്ചെ ഒരു മണിക്കാകും ആലുവ, എസ്.എൻ ജംഗ്ഷൻ എന്നീ സ്റ്റേഷനുകളിൽ നിന്നുള്ള അവസാന സർവീസ്.പുതുവത്സര ആഘോഷങ്ങളിൽ പങ്കെടുക്കാൻ എത്തുന്നവർക്ക് യാത്രാ ക്ലേശം ഉണ്ടാകാതിരിക്കാനാണ് കൊച്ചി മെട്രോ സർവീസുകൾ പുനക്രമീകരിച്ചിരിക്കുന്നത്.