കെപിസിസിയുടെ പലസ്തീൻ
ഐക്യദാർഢ്യ മഹാറാലി ഇന്ന്

കോഴിക്കോട്: കെപിസിസിയുടെ പലസ്തീൻ
ഐക്യദാർഢ്യ മഹാറാലി ഇന്ന് കോഴിക്കോട് കടപ്പുറത്ത്. സംഘടനാ ചുമതലയുള്ള എഐസിസി ജനറൽ സെക്രട്ടറി കെ.സി വേണുഗോപാൽ എംപി, പ്രവർത്തകസമിതി അംഗം ശശി തരൂർ എംപി, തുടങ്ങിയ മുതിർന്ന നേതാക്കൾ റാലിയിൽ പങ്കെടുക്കും. മുസ്ലിം ലീഗ് നേതാക്കൾ ഉൾപ്പെടെ പങ്കെടുക്കുന്ന പരിപാടി യുഡിഎഫ് ഐക്യ സന്ദേശം കൂടി പകരുന്നതാകും.

വൈകിട്ട് 3.30 ന് ആരംഭിക്കുന്ന റാലി എ.ഐ.സി.സി ജനറൽ സെക്രട്ടറി കെ.സി വേണുഗോപാൽ ഉദ്ഘാടനം ചെയ്യും. കെപിസിസി പ്രസിഡന്റ് കെ സുധാകരൻ എംപി, പ്രതിപക്ഷ നേതാവ് വി ഡി സതീശൻ എം കെ രാഘവൻ എംപി, കെ മുരളീധരൻ എംപി, ലീഗ് നേതാക്കളായ സാദിഖലി ശിഹാബ് തങ്ങൾ, പി.കെകുഞ്ഞാലിക്കുട്ടി തുടങ്ങിയവർ റാലിയിൽ സംസാരിക്കും.