കൊല്ലം ജില്ലാ പ്രവാസി സമാജം അബ്ബാസിയ യൂണിറ്റ് കുടുംബ സംഗമവും വാർഷിക പൊതുയോഗവും സംഘടിപ്പിച്ചു.

കുവൈറ്റ് സിറ്റി : കൊല്ലം ജില്ലാ പ്രവാസി സമാജം അബ്ബാസിയ യൂണിറ്റ് കുടുംബ സംഗമവും വാർഷിക പൊതുയോഗവും സംഘടിപ്പിച്ചു. വെള്ളിയാഴ്ച വൈകിട്ട് അബ്ബാസിയ പോപ്പിൻസ് ആസിറ്റോറിയത്തിൽ വച്ച് നടന്ന യോഗത്തിന് യൂണിറ്റ് കൺവീനർ ശ്രീ. ഷാജി ശാമുവൽ അധ്യക്ഷത വഹിച്ചു. യൂണിറ്റ് ജോയിൻ കൺവീനർ ശ്രീ സജിമോൻ തോമസ് സ്വാഗതം ആശംസിച്ചു. കൊല്ലം ജില്ലാ പ്രവാസി സമാജം പ്രസിഡന്റ് ശ്രീ. അലക്സ് മാത്യു ഉദ്ഘാടനം നിർവഹിച്ചു. സമാജം ജനറൽ സെക്രട്ടറി ശ്രീ ബിനിൽ ടി. ഡി. സംഘടനയുടെ പ്രവർത്തന ത്തെ കുറിച്ച് വിശകലനം ചെയ്ത് സംസാരിച്ചു. എക്സിക്യൂട്ടീവ് കമ്മിറ്റി യുടെ ഒഴിവിലേക്ക് ശ്രീ. അൽഅമീൻ, ശ്രീമതി ഷമ്നാ അൽ അമീൻ, ശ്രി.ജിതേഷ് രാജൻ, ശ്രീ സ്റ്റാൻലി, ശ്രീ. അനിബാബു, ശ്രീ. ജയകുമാർ എന്നിവരെ തെരഞ്ഞെടുത്തു.തുടർന്ന് ട്രഷറർ ശ്രീ. തമ്പി ലൂക്കോസ് സംസാരിച്ചു. ചടങ്ങിൽ പിന്നീട് വനിതാ വേദി ചെയർപേഴ്സൺ ശ്രീമതി രഞ്ജന ബിനിൽ സംഘടനയെക്കുറിച്ചും വനിതാവേദിയുടെ പ്രസക്തിയെക്കുറിച്ചും സംസാരിച്ചു.

വൈസ് പ്രസിഡണ്ട് ശ്രീ.അനിൽകുമാർ, സംഘടനാ സെക്രട്ടറി ശ്രീ ലിവിൻ വർഗീസ്, സ്പോട്സ് സെക്രട്ടറി ശ്രീ. റജിമത്തായി, അബ്ബാസിയ യൂണിറ്റ് കൺവീനർ ശ്രീ. ഷാജി സാമുവൽ, മംഗഫ് യൂണിറ്റ് കൺവീനർ ശ്രീ. നൈസാം റാവുത്തർ, സാൽമിയ യൂണിറ്റ് കൺവീനർ ശ്രീ അജയ് നായർ, വനിതാ വേദി ട്രഷറർ ശ്രീമതി ഗിരിജ, ഫെസ്റ്റ് ജന.കൺവിനർ ശ്രീ. ശശികർത്താ, ഡോ. സുബു തോമസ് എന്നിവർ യൂണിറ്റിന് ആശംസകൾ അർപ്പിച്ചു. ശ്രീ രാജുവർഗ്ഗീസ് യോഗത്തിന് നന്ദി പ്രകാശനം നടത്തി.