കെ പി എസ് ടി എ സ്വദേശ് മെഗാ ക്വിസ് ജില്ലാ മത്സരം ഒക്ടോബർ 2 ന്

ആലപ്പുഴ: കേരള പ്രദേശ് സ്കൂൾ ടീച്ചർ അസോസിയേഷൻ ആലപ്പുഴ ജില്ലാ കമിറ്റിയുടെ നേതൃത്വത്തിൽ നടത്തുന്ന സ്വദേശ് മെഗാ ക്വിസ്സിന്റെ ആലപ്പുഴ ജില്ലാതല മത്സരം ഗാന്ധിജയന്തി ദിനത്തിൽ ആലപ്പുഴ ലിയോ തേർട്ടീന്ത് എൽപിഎസ് ൽ വച്ച് നടത്തപ്പെടുന്നു. 11 സബ് ജില്ല മത്സരങ്ങളിൽ നിന്നും ഒന്നും രണ്ടും സ്ഥാനങ്ങൾ നേടി വിജയിച്ച കുട്ടികൾക്കാണ് ജില്ലാതല മത്സരത്തിൽ പങ്കെടുക്കാൻ അർഹതയുള്ളത് .11 സബ് ജില്ലകളിൽ നിന്നും എൽ പി ,യു പി , എച്ച് എസ് ,എച്ച് എസ് എസ് സ്ഥലങ്ങളിൽ ഒന്നും രണ്ടും സ്ഥാനങ്ങൾ നേടിയ 88 കുട്ടികൾ ഈ മത്സരത്തിന് അർഹത അർഹത നേടിയിട്ടുണ്ട്.

എൽപി ഭാഗത്തിൽ ഗാന്ധിജി ,നെഹ്റു, സ്വാതന്ത്ര്യസമര ചരിത്രം ,ആനുകാലികം യുപി വിഭാഗത്തിൽ നാം ചങ്ങല പൊട്ടിച്ച കഥ, സ്വാതന്ത്ര്യ സമര ചരിത്രം, ആനുകാലികം ഹൈസ്കൂൾ ഹയർ സെക്കൻഡറി തലങ്ങളിൽ ഇന്ത്യയെ കണ്ടെത്തൽ,സ്വാതന്ത്ര്യസമരചരിത്രംവും ആധുനിക ഇന്ത്യയും,ഇന്ത്യൻ ഭരണഘടന, ആനുകാലികം എന്നീ വിഷയങ്ങളെ ആസ്പദമാക്കിയാണ് ചോദ്യങ്ങൾ ഉണ്ടാവുക. കെ പി എസ് ടി എ സംസ്ഥാന വൈസ് പ്രസിഡൻറ് ബി ബിജു ഉദ്ഘാടന കർമ്മം നിർവഹിക്കും. സംസ്ഥാന സെക്രട്ടറി ജോൺ ബോസ്കോ കുട്ടികൾക്ക് ക്യാഷ് അവാർഡും ഉപഹാരങ്ങളും സർട്ടിഫിക്കറ്റും വിതരണം ചെയ്യും.