മന്ത്രി ആർ.ബിന്ദുവിന് നേർക്കുനേർ കെഎസ്‌യു; പ്രതിഷേധം

തിരുവനന്തപുരം: ഉന്നത വിദ്യാഭ്യാസ മന്ത്രി ആർ ബിന്ദുവിനെതിരെ കെഎസ്‌യു പ്രതിഷേധം. കേരളവർമ്മ കോളേജ് യൂണിയൻ തിരഞ്ഞെടുപ്പ് അട്ടിമറിക്ക് കൂട്ടുനിന്ന മന്ത്രി രാജിവച്ചു പുറത്തു പോകണം എന്ന് ആവശ്യപ്പെട്ടാണ് കെഎസ്‌യു പ്രതിഷേധം. സെക്രട്ടറിയേറ്റിൽ മാധ്യമങ്ങളെ കാണുന്നതിനിടെ അപ്രതീക്ഷിതമായിട്ടായിരുന്നു കെഎസ്‌യു സംസ്ഥാന ജനറൽ സെക്രട്ടറി പ്രിയങ്ക ഫിലിപ്പിന്റെ നേതൃത്വത്തിൽ പ്രതിഷേധം നടത്തിയത്. പ്രതിഷേധിച്ച കെ എസ് യു പ്രവർത്തകരെ പോലീസ് അറസ്റ്റ് ചെയ്തു നീക്കി.