കെഎസ്‌യു ഇടപെടൽ: ഫുട്ബോൾ മത്സരങ്ങൾ പ്രദർശിപ്പിക്കും

തിരുവനന്തപുരം: കെഎസ്‌യുവിന്റെ ഇടപെടലിനെ തുടർന്ന് വിവിധ ഫുട്ബോൾ മത്സരങ്ങൾ ബിഗ് സ്ക്രീനിൽ പ്രദർശിപ്പിക്കുവാൻ തീരുമാനിച്ച് തിരുവനന്തപുരം നഗരസഭ. നടന്നുകൊണ്ടിരിക്കുന്ന യൂറോ 2024, കോപ്പ അമേരിക്ക 2024 ടൂർണമെന്റുകളുടെ (ഇപ്പോൾ സെമി ഫൈനൽ ഘട്ടം) പൊതു പ്രദർശനമാണ് ബിഗ്സ്‌ക്രീനിൽ പ്രദർശിപ്പിക്കുക. കെ എസ് യു ജില്ലാ സെക്രട്ടറി അഡ്വ. സുനേജോ സ്റ്റീഫൻസൺ ആണ് മേയർക്ക് നിവേദനം നൽകിയത്.

കത്തിന്റെ പൂർണരൂപം

To,
മേയർ,
തിരുവനന്തപുരം മുൻസിപ്പൽ കോർപ്പറേഷൻ,
വികാസ് ഭവൻ പി. ഒ.
കേരള, ഇന്ത്യ - 695033

വിഷയം: യൂറോ 2024, കോപ്പ അമേരിക്ക 2024 പൊതു പ്രദർശനം നടത്തുന്നതിനുള്ള അഭ്യർത്ഥന

സർ/മാഡ൦,

നടന്നുകൊണ്ടിരിക്കുന്ന യൂറോ 2024, കോപ്പ അമേരിക്ക 2024 ടൂർണമെന്റുകളുടെ (ഇപ്പോൾ സെമി ഫൈനൽ ഘട്ടം) പൊതു പ്രദർശനം സംഘടിപ്പിക്കുന്നതിനെക്കുറിച്ച് പരിഗണിക്കണമെന്ന് ഞാൻ ബഹുമാനപൂർവ്വം അഭ്യർത്ഥിക്കുന്നു.

ഈ അന്തർദേശീയ ടൂർണമെന്റുകൾ ഫിഫ ലോകകപ്പിനൊപ്പം പ്രാധാന്യത്തിലും ആവേശത്തിലും ഒക്കെ തുല്യനിലയിൽ വരുന്നതാണെന്ന് താങ്കൾക്കറിയാമല്ലോ. കോർപ്പറേഷൻ സംഘടിപ്പിച്ച ഈസ്റ്റ് ഫോർട്ടിലെ കാൽ‌നടപ്പാലത്തിൽ നടന്ന 2022 ഫിഫ ലോകകപ്പിന്റെ വിജയകരമായ പൊതു പ്രദർശനം രാത്രിതോറും നിരവധി ഫുട്ബോൾ ആരാധകരെ ആകർഷിച്ച വലിയ വിജയമായിരുന്നു.

ഈ ടൂർണമെന്റുകളുടെ പൊതു പ്രദർശനം സംഘടിപ്പിക്കുന്നത് ഫുട്ബോൾ കമ്മ്യൂണിറ്റിയുമായി ഇടപെടാനും ആരാധകർക്കിടയിൽ സഹകരണ മനോഭാവം വളർത്താനും നമ്മുടെ സമൂഹത്തിൽ ഒരു വിപുലമായ ഫുട്ബോൾ സംസ്കാരം കെട്ടിപ്പടുക്കുന്നതിനും കോർപ്പറേഷന് മികച്ച അവസരമായിരിക്കുമെന്ന് ഞാൻ വിശ്വസിക്കുന്നു.

വരാനിരിക്കുന്ന മത്സരങ്ങളുടെ ഷെഡ്യൂൾ ഇപ്രകാരമാണ്:

• യൂറോ 2024:
• സെമി ഫൈനൽ: ജൂലൈ 10, 2024 (രാത്രി 12:30, ബുധൻ) & ജൂലൈ 11, 2024 (രാത്രി 12:30, വ്യാഴം)
• ഫൈനൽ: ജൂലൈ 15, 2024 (രാത്രി 12:30, തിങ്കൾ)
• കോപ്പ അമേരിക്ക 2024:
• സെമി ഫൈനൽ: ജൂലൈ 10, 2024 (രാവിലെ 5:30, ബുധൻ) & ജൂലൈ 11, 2024 (രാവിലെ 5:30, വ്യാഴം)
• ഫൈനൽ: ജൂലൈ 15, 2024 (രാവിലെ 5:30, തിങ്കൾ)

യൂറോ 2024, കോപ്പ അമേരിക്ക 2024 മത്സരങ്ങളുടെ പൊതു പ്രദർശനം സംഘടിപ്പിക്കുന്നതിനായി എന്റെ അഭ്യർത്ഥന പരിഗണിക്കുമെന്നു വിശ്വസിക്കുന്നു.

എന്ന് വിശ്വാസ്ഥതയോടെ,
അഡ്വ. സുനേജോ സ്റ്റീഫൻസൺ