ലുലുവിൽ വളർത്തുമൃഗ- പൂന്തോട്ട കാർണിവൽ!
കുവൈറ്റ് സിറ്റി : ലുലു ഹൈപ്പർമാർക്കറ്റ് 'പാവ്സ് ആൻഡ് ടെയിൽസ്' വളർത്തു മൃഗ കാർണിവൽ നടത്തി. ഖുറൈൻ ഔട്ട്‌ലെറ്റ് ൽ ആണ് വളർത്തുമൃഗങ്ങളെ സ്നേഹിക്കുന്നവർക്കായി ഈ ആകർഷണീയ ഇവൻ്റ് സംഘടിപ്പിച്ചത്. മൃഗ - സസ്യ പ്രേമികളുടെ സംഗമം കാർണിവലിന്റെ പ്രത്യേകതയായി. വളർത്തുമൃഗങ്ങളുടെയും, ചെടികളുടെയും പ്രദർശനവും നടന്നു. വളർത്തുനായകളുടെയും, പൂച്ചകളുടെയും ഫാഷൻ ഷോയും ആകർഷകമായി. തത്തകൾ, പക്ഷികൾ, പാമ്പുകൾ തുടങ്ങിയ അപൂർവ ഇനം പക്ഷികളും, മൃഗങ്ങളും മറ്റു ജീവ ജാലങ്ങളും കാണികളെ ആകർഷിച്ചു.
വളർത്തുമൃഗങ്ങളുടെ ഭക്ഷണത്തിനും അതിനോട് അനുബന്ധിച്ചുള്ള ഉപകരണങ്ങൾക്കും പ്രത്യേക വില കിഴിവ് ലഭിക്കുന്ന കൗണ്ടറുകളും കാര്ണിവലിന്റെ ഭാഗമായി ഒരുക്കിയിരുന്നു. പരിസ്ഥിതി സൗഹൃദ ‘ഗോ ഗ്രീൻ ക്യാമ്പയ്‌ഗൻ ’ നും പ്രമുഖ നഴ്‌സറികൾ പങ്കാളികളായപരിപാടിയിൽ നടന്നു . പൊതു ജനങ്ങൾക്കായി സംഘടിപ്പിച്ച ‘മികച്ച പൂന്തോട്ടം 2024’, ‘മികച്ച ബാൽക്കണി ഗാർഡൻ 2024’ എന്നീ മത്സരങ്ങളിൽ നിരവധി പേർ പങ്കെടുത്തു. ലുലു ഉന്നത മാനേജ്‌മെന്റ് പ്രതിനിധികൾ വിജയികൾക്കുള്ള സമ്മാനങ്ങൾ വിതരണം ചെയ്തു.
