സോക്കർ ഫെസ്റ്റ് 2023: മാക് കുവൈറ്റ് ജേതാക്കൾ !
കുവൈറ്റ് സിറ്റി : ഷിഫാ അൽജസീറ സോക്കർ കേരള എഫ് സി കെഫാക്കുമായി സഹകരിച്ചു നടത്തിയ സോക്കർ ഫെസ്റ്റ് 2023 ടൂർണമെന്റിൽ 'മാക് കുവൈറ്റ്' ജേതാക്കളായി. ആവേശകരമായി പര്യവസാനിച്ച ഫൈനലിൽ ഇരു ടീമുകളും ഗോൾനേടാതെ പിരിഞ്ഞപ്പോൾ പെനാൽറ്റിയിലൂടെയാണ് പൊരുതിക്കളിച്ച സെഗ്യൂറോ കേരള ചലഞ്ചേർസിനെ 'മാക് കുവൈറ്റ്' പരാജയപ്പെടുത്തിയത്. ബ്ലാസ്റ്റേഴ്‌സ് കേരള മൂന്നാംസ്ഥാനം നേടിയപ്പോൾ ടൂർണമെന്റ് ഫെയർ പ്ലെ അവാർഡ് ചാമ്പ്യൻസ് എഫ് സി യും നേടി.
പ്രതികൂല കാലാവസ്ഥ മറികടന്നു കളികാണാനെത്തിയ ജനക്കൂട്ടത്തിന് ആനന്ദനിമിഷങ്ങൾ സമ്മാനിച്ച ടൂർണമെന്റ് സോക്കർ കേരള എഫിയുടെ സംഘടനാ വൈഭവം കൊണ്ട് തന്നെ ഉന്നത നിലവാരം പുലർത്തി. ടൂർണമെന്റിലെ മികച്ച താരമായി സിബിൻ (ചലഞ്ചേഴ്‌സ് ) നെയും മികച്ച ഡിഫണ്ടറായി മൻസൂർ (മാക് )നെയും ബെസ്റ്റ് ഗോൾ കീപ്പറായി ദാസ് (ചലഞ്ചേഴ്‌സ് )നെയും എമെർജിങ് പ്ലെയരായി അമൻ (ഫ്ലൈറ്റേർസ് )നെയും തിരഞ്ഞെടുത്തപ്പോൾ രാഹുൽ (മാക് ) ടോപ് സ്കോറെർ ട്രോഫി നേടി.
ജേതാക്കൾക്കായുള്ള സമ്മാനങ്ങൾ ഷിഫാ അൽജസീറ ഫർവാനിയ ജനറൽ മേനേജർ സുബൈർ മുസ്‌ലിയാരകത്ത്, അൽ നാഹിൽ ഇന്റർ നാഷ്ണൽ ക്ലിനിക് ഡെപ്യൂട്ടി ജനറൽ ലൂസിയ വില്യംസ് , ചെറി ബ്രുസ്റ്റർ മോട്ടോർസ് ബ്രാഞ്ചു മേനേജർ ശ്രീ റക്സി വില്ല്യംസ്, സമീർ (പി ആർ ഒ ഷിഫാ അൽജസീറ ഫർവാനിയ ബ്രാഞ്ച് ), മുഹമ്മദ്‌ അമീൻ (ഫിനാൻസ് ഫർവാനിയ ബ്രാഞ്ച് )
ഫെബിൻ കെ മാത്യു (സിഗ്മ ഇന്റർ നാഷ്ണൽ എം ഡി ), ഷെറിൻ കുര്യാക്കോസ് (പ്രിൻസ്റ്റോൺ ), സെലിം (കൂളന്റ് ), സിദ്ധിഖ് (ഫഹാഹിൽ ബ്രദേഴ്സ് ), ഹാരിസ് (ജാസ്മാക്സ് ) തുടങ്ങിയവരും കെഫാക്ക് പ്രസിഡന്റ് മൻസൂർ കുന്നത്തേരി യുടെ നേതൃതത്തിൽ കഫാക് എംസി മെമ്പേഴ്സും ചേർന്ന് വിതരണം ചെയ്തു.
ടൂർണമെന്റും പ്രോഗ്രാം കോ ഓർ ഡിനേഷനും സോക്കർ കേരള പ്രസിഡന്റ് ബിജു ജോണിയും ജനറൽ സെക്രട്ടറി സോബി ചാപ്പാലയും, കൺവീണർ സെക്കീർ വട്ടപ്പാടവും, വൈസ് പ്രസിഡന്റ് മജീദ്ടീം മേനേജർ അനീഷ് കാവാലം എം സി മെമ്പർ ജോർജ് ബിനോയ്‌, എം സി ജിജോ, ടീം ഓഫിഷ്യൽ മനോജ്, ട്രെഷറർ ഹനീഫ, സീനിയർ പ്ലയർ ഡോമിനിക്, മുഹമ്മദ്‌ ഷെഫീഖ് തുടങ്ങിയവരും നേതൃത്വം നൽകി.
