സ്നേഹപ്പൊതിയുമായി മഹിളാ കോൺഗ്രസ്

കൊല്ലം: കെപിസിസി പ്രസിഡന്റ് കെ സുധാകരനും പ്രതിപക്ഷ നേതാവ് വി. ഡി സതീശനും നയിക്കുന്ന സമരാഗ്നിയുടെ പ്രചാരണാർത്ഥം മഹിളാ കോൺഗ്രസ് കൊല്ലം ജില്ലാ കമ്മിറ്റിയുടെ നേതൃത്വത്തിൽ 'സ്നേഹപ്പൊതി' പരിപാടി നടത്തി. ആശുപത്രികളിലെ രോഗികൾക്കും കൂട്ടിരിപ്പുകാർക്കും ആണ് മഹിളാ കോൺഗ്രസിന്റെ നേതൃത്വത്തിൽ ഭക്ഷണപ്പൊതി വിതരണം നടത്തിയത്.

ജില്ലാ ആശുപത്രിയിൽ നടന്ന വിതരണത്തിന്റെ ഉദ്ഘാടനം കെപിസിസി രാഷ്ട്രീയ കാര്യസമിതി അംഗം അഡ്വ.ബിന്ദുകൃഷ്ണ നിർവഹിച്ചു . ജില്ലാ പ്രസിഡന്റ് അഡ്വ.ഫേബ സുദർശൻ അധ്യക്ഷത വഹിച്ചു. ജില്ലാ വൈസ് പ്രസിഡന്റുമാരായ സരസ്വതി പ്രകാശ്, ജലജ മുണ്ടക്കൽ,സിസിലി, സുവർണ, ഷീജ രാധാകൃഷ്ണൻ, ജില്ലാ ഭാരവാഹികളായ സജീന ഷിബു, ബീന ജയിംസ്, സരിത അജിത്ത്, ഷിനു, കുമാരി, രാഗിണി. കെ , സാലി തോമസ്,സിന്ധു, കനകമ്മ രാജേശ്വരി എന്നിവർ നേതൃത്വം നൽകി.