മൈത്രി യു എ ഇയുടെ 12ാം വാർഷിക കലാസന്ധ്യ സംഘടിപ്പിച്ചു

മൈത്രി യു എ ഇയുടെ 12ാം വാർഷിക കലാസന്ധ്യ ദുബായ് ഡെ മോണ്ട് യൂണിവേസിറ്റി ഹാളിൽ പ്രശസ്ത സിനിമാനടി അംബിക ഉദ്ഘാടനം ചെയ്തു. കുട്ടികളിലും മുതിർന്നവരിലും കേരളീയ തനിമ നിലനിർത്തുവാൻ പ്രവാസ ലോകത്തെ മലയാളി കൂട്ടായ്മകൾക്ക് കഴിയുന്നുണ്ടെന്ന് അവർ പറഞ്ഞു. പ്രസിഡന്റ് രാജേഷ്‌മേനോൻ അധ്യക്ഷത വഹിച്ച ചടങ്ങിൽ സ്ഥാപക പ്രസിഡന്റ് സഞ്ജു പിള്ള മുഖ്യ പ്രഭാഷണം നടത്തി. ജിജോ വി ജോൺ, ബിജു കുമാരൻ എന്നിവർ സംസാരിച്ചു. അംഗങ്ങളുടെയും കുട്ടികളുടെയും വിവിധങ്ങളായ കലാപരിപാടികൾ അരങ്ങേറി.