മകരവിളക്ക്: ശബരിമലയിൽ ജനുവരി 10 മുതൽ സ്പോട്ട് ബുക്കിംഗ് ഒഴിവാക്കും

പമ്പ: മകരവിളക്കിനോടനുബന്ധിച്ച്
ഭക്തജന തിരക്ക് വർദ്ധിക്കുന്ന സാഹചര്യത്തിൽ ശബരിമലയിൽ സ്പോട്ട് ബുക്കിംഗ് ജനുവരി 10 മുതൽ ഒഴിവാക്കും. മകരവിളക്ക് ദിനമായ ജനുവരി 15ന് 40000 പേർക്ക് മാത്രമെ വെർച്വൽ ക്യൂ ബുക്കിംഗ് അനുവദിക്കൂ. 14ന് വെർച്വൽ ക്യൂ ബുക്കിംഗ് പരിധി 50000 ആണ്.

ജനുവരി 14, 15 തിയതികളിൽ ശബരിമലയിൽ തിരക്ക് കൂടുതലാകാൻ സാധ്യത ഉള്ളതിനാൽ മാളികപ്പുറങ്ങളും കുട്ടികളും ഈ ദിവങ്ങളിൽ ശബരിമല ദർശനം ഒഴിവാക്കുന്നതാണ് നല്ലതെന്ന് ദേവസ്വം ബോർഡ് അറിയിച്ചു. ദർശനത്തിന് എത്തുന്ന ഭക്തർക്ക് വെർച്വൽ ക്യൂ ബുക്കിംഗ് ടിക്കറ്റ് നിർബന്ധമാണെന്നും ദേവസ്വ ബോർഡ് വ്യക്തമാക്കിയിട്ടുണ്ട്.