മാണി ചാക്കോ പ്രിയദർശിനി പ്രസിദ്ധീകരണ വിഭാഗം കുവൈറ്റ് കോ ഓർഡിനേറ്റർ!

^{കുവൈറ്റ് സിറ്റി : കെപിസിസി യുടെ ഔദ്യോഗിക പ്രസിദ്ധീകരണ വിഭാഗമായ പ്രിയദർശിനി പുബ്ലിക്കേഷൻസ് നു ഗൾഫ് രജ്ജ്യങ്ങളിൽ കോ ഓർഡിനേറ്റർമാരെ നിയമിച്ചു. ശ്രീ മാണി കെ ചാക്കോ (ഫോൺ. 96566246899 ) ആണ് കുവൈറ്റിലെ ചുമതലവഹിക്കുക. മലയാള സാഹിത്യത്തെയും സംസ്‌കാരത്തെയും പ്രോത്സാഹിപ്പിക്കുന്നതിനുള്ള അസാധാരണമായ അർപ്പണബോധം, അഭിനിവേശം, പ്രതിബദ്ധത എന്നിവ കണക്കിലെടുത്താണ് വിവിധ ഗൾഫു നാടുകളിൽ കോ ഓർഡിനേറ്റർമാരെ നിയമിച്ചിരിക്കുന്നത്.}

^{സാഹിത്യ പരിപാടികൾ, പുസ്തകമേളകൾ, സാംസ്കാരിക പരിപാടികൾ എന്നിവ സംഘടിപ്പിക്കുക, കുട്ടികളിലും കേരള സമൂഹത്തിലെ പുതുതലമുറയിലും വായനാശീലം പ്രോത്സാഹിപ്പിക്കുക, മതേതര ഇന്ത്യൻ എഴുത്തുകാരെയും അവരുടെ പ്രത്യയശാസ്ത്രങ്ങളെയും വശത്താക്കാനുള്ള ഫാസിസ്റ്റ് ശക്തികളുടെ നീക്കം ചെറുക്കുക, ജവഹർലാൽ നെഹ്‌റുവിൻ്റെയും ദേശീയ നേതാക്കളായ സ്വാതന്ത്ര്യ സമര സേനാനികളുടെയും രചനകൾ ലഭ്യമാക്കുക, ഇന്ത്യൻ നാഷണൽ കോൺഗ്രസിൻ്റെ ആശയങ്ങൾ പ്രചരിപ്പിക്കുക, പ്രിയദർശിനി പബ്ലിക്കേഷൻസ് ന്റെ പുസ്തകങ്ങളെയും അതിൻ്റെ രചയിതാക്കളെയും പ്രോത്സാഹിപ്പിക്കുക, ഗൾഫ് രജ്ജ്യങ്ങളിലെ സാഹിത്യ സംഘടനകളുമായും കമ്മ്യൂണിറ്റികളുമായും ബന്ധം കെട്ടിപ്പടുക്കുക, സഹകരണത്തിനും വളർച്ചയ്ക്കുമുള്ള അവസരങ്ങൾ കണ്ടെത്തുക, പ്രിയദർശിനി ബുക്ക് ക്ലബ്ബിൽ സാധാരണക്കാരെയും ഉന്നത ശേഷിയിലുള്ള വരെയും അംഗങ്ങളായിചേർക്കുക എന്നിവ നിയമിക്കപ്പെട്ട കോ ഓർഡിനേറ്റർ മാരുടെ ചുമതലയാണെന്ന് പ്രിയദശിനി പുബ്ലിക്കേഷൻസ് നു വേണ്ടി കെപിസിസി ജന. സെക്രട്ടറി കൂടിയായ വൈസ് ചെയർമാൻ അഡ്വ. പഴകുളം മധു പുറത്തിറക്കിയ കുറിപ്പിൽ പറഞ്ഞു.}