മാസപ്പടി വിവാദം: മാത്യു കുഴല്‍ നാടന്റെ ഹര്‍ജിയില്‍ മുഖ്യമന്ത്രി പിണറായി വിജയനും മകള്‍ വീണ വിജയനും ഹൈക്കോടതി നോട്ടീസ്

കൊച്ചി: സിഎംആര്‍എല്‍-എക്‌സാലോജിക് മാസപ്പടി ഇടപാടില്‍ മുഖ്യമന്ത്രി പിണറായി വിജയനും മകള്‍ വീണ വിജയനും ഹൈക്കോടതി നോട്ടീസ് അയച്ചു. കോണ്‍ഗ്രസ് എംഎല്‍എ മാത്യു കുഴല്‍നാടന്റെ ഹര്‍ജിയിലാണ് മുഖ്യമന്ത്രിയും മകളും അടക്കമുള്ള എതിര്‍കക്ഷികള്‍ക്ക് ഹൈക്കോടതി നോട്ടീസ് നല്‍കിയത്. കേസിലെ സ്വഭാവിക നടപടി മാത്രമാണിതെന്ന് മാത്യു കുഴല്‍ നാടന്‍ പ്രതികരിച്ചു.

എക്‌സാലോജിക്, സിഎംആര്‍എല്‍ മാസപ്പടി കേസില്‍ ഹൈക്കോടതി ഇടപെടല്‍ സ്വാഗതാര്‍ഹമെന്ന് വി.ഡി.സതീശന്‍ പറഞ്ഞു. മാത്യു കുഴല്‍നാടന്റെ നിയമ പോരാട്ടം തുടരും. പാര്‍ട്ടി പൂര്‍ണ പിന്തുണ നല്‍കുന്നുവെന്നും പ്രതിപക്ഷനേതാവ് പറഞ്ഞു.