യശ്വന്ത്പൂര്‍-കണ്ണൂര്‍ എക്‌സ്പ്രസില്‍ വന്‍കവര്‍ച്ച

യശ്വന്ത്പൂര്‍-കണ്ണൂര്‍ എക്‌സ്പ്രസ് ട്രെയിനില്‍ വന്‍ കവര്‍ച്ച. യാത്രക്കാരുടെ ഫോണുകളും ആഭരണങ്ങളും ഫോണും ഉള്‍പ്പടെ മോഷണം പോയി. ഇന്ന് പുലര്‍ച്ചെ സേലത്തിനും ധര്‍മ്മപുരിക്കും ഇടയിലായിരുന്നു സംഭവം. എ സി കോച്ചിലെ 20 ഓളം യാത്രക്കാർക്കാണ് കവർച്ചക്ക് ഇരയായത്.

ഹാന്‍ഡ് ബാഗുകളും പോക്കറ്റിൽ സൂക്ഷിച്ചിരുന്ന ഫോണും ആഭരണങ്ങളുമാണ് നഷ്ടമായത്. കവർച്ചയ്ക്ക് ശേഷം ബാഗുകൾ ട്രെയിനിലെ ശുചിമുറിയിൽ ഉപേക്ഷിച്ച നിലയിൽ കണ്ടെത്തി. ഉറക്കത്തിലായിരുന്ന യാത്രക്കാർ ഉറക്കമുണർന്നപ്പോളാണ് സംഭവങ്ങൾ അറിയുന്നത്. ഉടനെ തന്നെ സേലം സ്റ്റേഷനിൽ പരാതി നൽകി. സേലം കേന്ദ്രീകരിച്ചുള്ളവരാണ് കവർച്ചനടത്തിയതെന്നാണ് സൂചന ലഭിച്ചിട്ടുള്ളത്.