മാവേലിക്കര അസോസിയേഷൻ കുവൈറ്റ് യാത്ര അയപ്പ് നൽകി!
കുവൈറ്റ് സിറ്റി : മൂന്നു പതിറ്റാണ്ട് കുവൈറ്റ് പ്രവാസ ജീവിതം പൂർത്തിയാക്കി നാട്ടിലേക്ക് മടങ്ങുന്ന മാവേലിക്കര അസോസിയേഷന്റെ ആദ്യകാല അംഗവും പുതിയകാവ് സ്വദേശിയുമായ ശ്രീ ജോസ് വർഗ്ഗീസിന്‌ അസോസിയേഷൻ യാത്ര അയപ്പ് നൽകി. രക്ഷാധികാരി ബിനോയ് ചന്ദ്രൻ ഉപഹാരം നൽകി ആദരിക്കുകയും സ്വദേശത്തും ജീവകാരുണ്യ പ്രവർത്തനങ്ങളിൽ അദ്ദേഹത്തിന്റെ പ്രവർത്തനങ്ങൾ ഉണ്ടാകും എന്ന പ്രതീക്ഷ പ്രകടിപ്പിച്ചു. മാവേലിക്കര അസോസിയേഷനിൽ നിന്ന് എല്ലാ സഹായങ്ങളും ഉണ്ടാകും എന്ന് അദ്ദേഹം ആശംസ സന്ദേശത്തിൽ പറഞ്ഞു.
പ്രസിഡന്റ് മനോജ്‌ പരിമണം, ഉപദേശക സമതി അംഗങ്ങളായ ശ്രീ ഏ. ഐ കുര്യൻ, ശ്രീ നൈനാൻ ജോൺ, എക്സികുട്ടിവ് കമ്മറ്റി അംഗങ്ങളായ ശ്രീ മാത്യു ചെന്നിത്തല, ശ്രീ അനിൽ വള്ളികുന്നം തുടങ്ങിയവർ ചടങ്ങിന് നേതൃത്വം നൽകി.
ഓരോ വ്യക്തിയും പ്രവാസി ആയിരിക്കുമ്പോൾ അവരാൽ കഴിവതും ജീവകാരുണ്യ പ്രവർത്തനങ്ങളിൽ പങ്കാളികൾ ആയിരിക്കേണ്ട ആവശ്യകതയുടെ പ്രാധാന്യത്തെ കുറിച്ച് മറുപടി പ്രസംഗത്തിൽ ജോസ് വർഗ്ഗീസ് സൂചിപ്പിച്ചു. നൽകിയ ആദരവിന്‌ അസോസിയേഷന് നന്ദി അറിയിക്കുകയും ചെയ്തു.
