വിവേകാനന്ദപ്പാറയിലെ ധ്യാന ചിത്രങ്ങൾ; മോദിക്ക് നിയമവും ചട്ടങ്ങളും ബാധകമല്ലേ?: ദിഗ് വിജയ് സിംഗ്

ഡൽഹി: ഫോട്ടോഗ്രാഫിക്ക് വിലക്കുള്ള വിവേകാനന്ദ സ്മാരകത്തിനുള്ളില്‍ മോദി ധ്യാനിക്കുന്നതിന്റെ ചിത്രങ്ങൾ പുറത്തുവന്നതിനെതിരെ കോണ്‍ഗ്രസ് നേതാവ് ദിഗ് വിജയ് സിംഗ്. പ്രധാനമന്ത്രി മോദിക്ക് നിയമവും ചട്ടങ്ങളും ബാധകമല്ലേ എന്നും അദ്ദേഹം ചോദിച്ചു. വിഷയത്തില്‍ പ്രതികരിക്കാന്‍ പ്രധാനമന്ത്രിയുടെ ഓഫീസിനോട് (പിഎംഒ) അദ്ദേഹം ആവശ്യപ്പെട്ടു. ഇത് സംബന്ധിച്ച് സാമൂഹ്യ മാധ്യമങ്ങളിൽ വൻ വിമർശനമാണ് മോദിക്കെതിരെ ഉയരുന്നത്. പ്രധാനമന്ത്രി വ്യാഴാഴ്ച രാത്രി 7.30 ഓടെ വിവേകാനന്ദ പാറയിലെ ധ്യാന മുറിയില്‍ ആരംഭിച്ച ധ്യാനം ഇന്ന് വൈകിട്ടോടെ സമാപിക്കും. വൈകിട്ട് കന്യാകുമാരിയില്‍ നിന്ന് തിരുവനന്തപുരം വഴി അദ്ദേഹം ഡല്‍ഹിയിലേക്ക് മടങ്ങും.