മംഗഫിലെ തീ പിടുത്തത്തിൽ മെഡക്‌സ് മെഡിക്കൽ ഗ്രൂപ്പ് അനുശോചനം!

കുവൈറ്റ് സിറ്റി: മംഗഫിലെ തൊഴിലാളി ക്യാമ്പിൽ ഉണ്ടായ തീ പിടുത്തത്തിൽ മരിച്ചവരുടെ കുടുംബാംഗങ്ങൾക്ക് അനുശോചനം രേഖപ്പെടുത്തി പ്രമുഖ ആതുര സേവനദാതാക്കളായ മെഡക്‌സ് മെഡിക്കൽ ഗ്രൂപ്പ്. ഇകഴിഞ്ഞ വെള്ളിയാഴ്ച്ച ഉച്ചക്ക് നടന്ന ചടങ്ങിൽ മെഡക്‌സ് മെഡിക്കൽ ഗ്രൂപ്പ് മാനേജ്‌മന്റ് പ്രതിനിധികളും ഡോക്ടർമാരും മറ്റു ജീവനക്കാരും പങ്കെടുത്തു. ഇൻഷുറൻസ് മാനേജർ ശ്രീ. അജയ് വിശ്വനാഥൻ അധ്യക്ഷത നിർവഹിച്ച ചടങ്ങിൽ ഓപ്പറേഷൻ ഹെഡ് ശ്രീ. ജുനൈസ് കോയിമ, ഓപ്പറെഷൻ മാനേജർ ശ്രീ. മുഹമ്മദ് ഷബീർ, എഛ് ആർ മാനേജർ ശ്രീ. ജസീലുദ്ധീൻ എന്നിവർ പങ്കെടു ത്തു. മംഗഫിലുണ്ടായ ദുരന്തം അങ്ങേ അധികം വേദനാജനകമാണന്നും കുവൈറ്റിൽ ചൂട് കൂടി വരുന്ന ഈ സാഹചര്യത്തിൽ എല്ലാവരും മതിയായ മുൻകരുതൽ എടുക്കണമെന്നും മെഡക്‌സ് മെഡിക്കൽ ഗ്രൂപ്പ് പ്രസിഡന്റ് & സി ഇ ഒ ശ്രീ. മുഹമ്മദലി വി.പി അനുശോചന സന്ദേശത്തിൽ അഭ്യർത്ഥിച്ചു.