കൊല്ലത്തു നിന്ന് കാണാതായ പെണ്‍കുട്ടിയെ കണ്ടെത്തി
കൊല്ലം: കരുനാഗപ്പള്ളി ആലപ്പാട് നിന്ന് കാണാതായ ഐശ്വര്യയെ കണ്ടെത്തി. തൃശൂരില്‍ നിന്നാണ് വിദ്യാര്‍ഥിനിയെ കണ്ടെത്തിയത്. ഐശ്വര്യയെ കണ്ടെത്താനായി പൊലീസ് അന്വേഷണം ഊര്‍ജിതമാക്കിയിരുന്നു. മുരിങ്ങൂര്‍ ധ്യാനകേന്ദ്രത്തില്‍ നിന്നാണ് കുട്ടിയെ കണ്ടെത്തിയത്.
ഐശ്വര്യ തിങ്കളാഴ്ച രാവിലെ വീട്ടില്‍ നിന്ന് റെയില്‍വേ സ്റ്റേഷനിലേക്ക് സ്‌കൂട്ടറില്‍ പോയതിന്റെ ഫോട്ടോ പൊലീസിന് ലഭിച്ചിരുന്നു. റെയില്‍വേ സ്റ്റേഷനുകള്‍ അടക്കം കേന്ദ്രീകരിച്ചായിരുന്നു അന്വേഷണം.
ഓണ്‍ലൈന്‍ ഗെയിം കഴിച്ചതിന് അമ്മ ഷീജ വഴക്കുപറഞ്ഞതിന് പിന്നാലെയാണ് ഐശ്വര്യയെ കാണാതായത്. ഓണ്‍ലൈന്‍ വഴി എന്‍ട്രന്‍സിന് തയാറെടുക്കുകയായിരുന്നു. സുഹൃത്തുക്കള്‍ കുറവായ ഐശ്വര്യ അധികമാരോടും ഇടപഴകാറില്ലെന്നും കുടുംബം പൊലീസിനോട് പറഞ്ഞിരുന്നു.
18ന് രാവിലെയാണ് ഐശ്വര്യയെ കാണാതായത്. അന്ന് 11 മണിയോടെ പെണ്‍കുട്ടിയുടെ മൊബൈല്‍ ഫോണും സ്വിച്ച്ഡ് ഓഫ് ആയി.