അപകടത്തിൽ പരിക്കേറ്റ യാത്രികന് രക്ഷകനായി എംഎൽഎ

പോത്താനിക്കാട് : കക്കടാശ്ശേരി കാളിയാർ റോഡിൽ ആയങ്കര ഭാഗത്ത് വാഹനാപകടത്തിൽ പെട്ട ബൈക്ക് യാത്രികന് സാരമായ പരിക്കേറ്റു. വഴക്കുളം പന്തിരായികണ്ടതിൽ ടോമി വർക്കിക്കാണ് പരിക്കേറ്റത്. ഇതിലെ സഞ്ചരിച്ചു കൊണ്ടിരുന്ന ടൂറിസ്റ്റ് ബസ് തട്ടിയാണ് ഇരുചക്ര യാത്രികന് പരിക്ക് പറ്റിയത്. അപകടത്തിന് ശേഷം ബസ് നിർത്താതെ പോയി.ഇതിലൂടെ വന്ന മാത്യു കുഴൽനാടൻ എംഎൽഎയാണ് യാത്രികനെ ആശുപത്രിയിൽ എത്തിക്കുന്നതിനുള്ള സജ്ജികരണങ്ങൾ ചെയ്തത്. എംഎൽഎയുടെ നിർദ്ദേശ പ്രകാരം ആംബുലൻസിൽ മുവാറ്റുപുഴ സഹകരണ ആശുപത്രിയിൽ എത്തിച്ച് പ്രാഥമിക ചികിത്സ നൽകി. പരിക്ക് ഗുരുതരമായതിനാൽ തുടർന്ന് കോലാഞ്ചേരിയിൽ സ്വകാര്യ ആശുപത്രിയിലേക്ക് രോഗിയെ മാറ്റി. ഇദ്ദേഹത്തെ വെന്റിലേറ്ററിലേക്ക് മാറ്റി.നിർത്താതെ പോയ ബസ് പൈങ്ങോട്ടൂർ ഭാഗത്ത് നാട്ടുകാർ സംഘടിച്ചു തടഞ്ഞു.