ഗുജറാത്ത് സർവകലാശാലയിൽ വിദേശ വിദ്യാർത്ഥികൾക്ക് ആൾക്കൂട്ട ആക്രമണം; മർദ്ദനം കല്ലും ബാറ്റും ആയുധങ്ങളുമുപയോഗിച്ച്
അഹമ്മദാബാദ്: ഗുജറാത്ത് സര്‍വകലാശാലയിൽ വിദേശ വിദ്യാര്‍ഥികള്‍ക്ക് നേരെ ആള്‍ക്കൂട്ട ആക്രമണം. ക്രിക്കറ്റ് ബാറ്റും കല്ലും ഉപ
യോഗിച്ച് ആക്രമിക്കുന്നതിന്‍റെ ദൃശ്യങ്ങള്‍ പുറത്തുവന്നു. ആഫ്രിക്കന്‍ രാജ്യങ്ങളില്‍നിന്നും അഫ്ഗാനിസ്ഥാന്‍, ഉസ്ബക്കിസ്ഥാന്‍ എന്നിവടങ്ങളില്‍നിന്നുമുള്ള വിദ്യാര്‍ഥികള്‍ക്ക് നേരെയാണ് യാതൊരു പ്രകോപനവുമില്ലാതെ ആക്രമണമുണ്ടായത്. റംസാന്‍ നിസ്കാര സമയത്താണ് ആക്രമണമുണ്ടായതെന്ന് വിദ്യാര്‍ഥികള്‍ പറഞ്ഞു.
സംഭവത്തില്‍ അഞ്ചിലധികം വിദ്യാര്‍ഥികള്‍ക്ക് പരിക്കുണ്ട്. ഇവരെ ആശുപത്രിയിലേക്ക് മാറ്റിയിട്ടുണ്ട്. അഹമ്മദാബാദിലെ സർവകലാശാലയിലെ ഹോസ്റ്റലില്‍ ശനിയാഴ്ച വൈകുന്നേരത്തോടെയാണ് സംഭവം. സംഭവത്തില്‍ പോലീസ് പ്രാഥമിക അന്വേഷണം നടത്തി. എന്നാല്‍ അക്രമികളെ ആരെയും ഇതുവരെ പിടികൂടാനായിട്ടില്ല.