കൊവിഡ് വാക്സിനേഷൻ സർട്ടിഫിക്കറ്റിൽ നിന്ന് മോദിയുടെ ചിത്രം നീക്കി

കൊവിഷീൽഡ് വാക്സിൻ വിവാദത്തിനിടെ കോവിഡ് വാക്സിൻ സർട്ടിഫിക്കറ്റിൽ നിന്നും പ്രധാനമന്ത്രി നരേന്ദ്രമോദിയുടെ ചിത്രം നീക്കി. തെരഞ്ഞെടുപ്പിന്റെ പശ്ചാത്തലത്തിലാണ് പെരുമാറ്റ ചട്ടവുമായി ബന്ധപ്പെട്ട് ചിത്രം നീക്കിയത് എന്നാണ് വിശദീകരണം. കൊവിഷീൽഡ് വാക്സിൻ എടുത്ത ചിലരിൽ രക്തം കട്ടപിടിക്കുകയും പ്ലേറ്റ്ലെറ്റ് കൗണ്ട് കുറയുകയും ചെയ്യുന്ന ടിടിഎസ് എന്ന അവസ്ഥയുണ്ടാകാമെന്നാണ് ആസ്ട്രസെനെക കമ്പനി യുകെ കോടതിയെ അറിയിച്ചത്.

കൊവിഷീൽഡ് എന്ന പേരിൽ ഇന്ത്യയിൽ അവതരിപ്പിച്ച കൊവിഡ് വാക്സിന് ഗുരുതര പാർശ്വഫലം ഉള്ളതായി വാക്സിൻ നിർമ്മാണ കമ്പനി അസ്ട്രസെനക കഴിഞ്ഞദിവസം സമ്മതിച്ചിരുന്നു. കൊവിഡ് വാക്സിൻ എടുത്ത ശേഷം ഹൃദയാഘാതം വന്ന് മരിച്ചവരുടെ കുടുംബങ്ങൾക്ക് കേന്ദ്ര സർക്കാർ നഷ്ടപരിഹാരം നൽകണമെന്ന് കോൺഗ്രസ് ആവശ്യപ്പെട്ടു.