മൊയ്‌ദീൻ കോയ (കൊഡാക് ) കുവൈറ്റിൽ അന്തരിച്ചു

കുവൈറ്റ് സിറ്റി : കോഴിക്കോട് പയ്യാനക്കൽ 'നൂർഫാന' യിൽ കറുപ്പമക്കന്റകത്ത് കെ മൊയ്‌ദീൻ കോയ (കൊഡാക് ) (73) കുവൈറ്റിൽ അന്തരിച്ചു. തിങ്കളാഴ്ച രാവിലെ സബാ അൽ സാലത്തെ വീട്ടിൽ നിന്നും ഓഫീസിലേക്കുള്ള മാർഗ്ഗ മദ്ധ്യേ ഹൃദയാഘാതത്തെ തുടർന്ന് ഫർവാനിയ ഹോസ്പിറ്റലിൽ എത്തിച്ചുവെങ്കിലും ജീവൻ രക്ഷിക്കാനായില്ല. ദീഘകാലമായി കുവൈറ്റിലെ അഷ്‌റഫ് ആൻഡ് കമ്പനി യിൽ മുഖ്യ ഫിനാൻസ് മാനേജർ ആയി സേവനം അനുഷ്ഠിച്ച് വരികയായിരുന്നു. ഉദ്യോഗത്തിൽ നിന്നും വിരമിച്ച് സ്വദേശത്തേക്കു പോയെങ്കിലും കമ്പനി തിരികെ വിളിച്ച് പ്രത്യേക ദൗത്യം ഏൽപ്പിച്ചത് നിറവേറ്റി വരികയായിരുന്നു.

ചാലിയം ഇമ്പിച്ചി ഹൈസ്‌കൂളിൽ അധ്യാപികയായിരുന്ന ബിയാത്തുൽ ഫാത്തിമ്മയാണ് ഭാര്യ. ഡോ. നൂർ ബി മൊയ്‌ദീൻ കോയ (ദുബായ്), ഡോ. ഫാബി മൊഇദീൻകോയ (കുവൈറ്റ്), എം കെ നവാഫ് (അബുദാബി) എന്നിവരാണ് മക്കൾ. ഡോ ഷഹീർ മാലിക് (കുവൈറ്റ്), ഹനിയ ബഷീർ (അബുദാബി) എന്നിവർ മരുമക്കളാണ്. ഭൗതിക ദേഹം ഇന്ന് വൈകുന്നേരം എയർ അറേബ്യ വിമാനത്തിൽ നാട്ടിലേക്കു കൊണ്ട് പോകുന്നതിനുള്ള നടപടി ക്രമങ്ങൾ പുരോഗമിക്കുന്നു. അൽ സബാ മോർച്ചറിയോടു ചേർന്ന പള്ളിയിൽ ഇന്ന് ഉച്ചക്ക്‌ പന്ത്രണ്ടു മണിക്ക് ജനാസ നമസ്കാരം ഉണ്ടായിരിക്കുന്നതാണ്.