മുകേഷ് എംഎൽഎ സ്ഥാനം രാജിവെക്കണം; മഹിളാ കോൺഗ്രസ് സംസ്ഥാന വ്യാപക പ്രതിഷേധം, നാളെ

തിരുവനന്തപുരം: സിനിമാ മേഖലയിലെ ലൈംഗികാരോപണത്തെ തുടർന്ന് കേസെടുത്തതോടെ കൊല്ലം എംഎൽഎ എം. മുകേഷ് രാജിവയ്ക്കണമെന്ന് ആവശ്യപ്പെട്ട് മഹിളാ കോൺഗ്രസ് വെള്ളിയാഴ്‌ച പ്രതിഷേധം സംഘടിപ്പിക്കും. ജില്ലാ ഭരണ കേന്ദ്രങ്ങളിലാണ് പ്രതിഷേധം സംഘടിപ്പിക്കുന്നത്.

മുകേഷിന് എംഎൽഎ സ്ഥാനത്ത് തുടരാൻ അർഹതയില്ലെന്നാണ് കൊല്ലത്തെ ജനങ്ങളുടെ നിലപാടെന്ന് കോൺഗ്രസ് നേതാവ് ബിന്ദു കൃഷ്ണ പറഞ്ഞു. സിപിഎം നേതൃത്വം മുകേഷിനെ സംരക്ഷിക്കുകയാണ്. കേരള രാഷ്ട്രീയ ചരിത്രത്തിൽ ഇത്രയും ആരോപണപരമ്പരകൾ ഉയർന്ന നേതാവ് വേറെയില്ലെന്നും അവർ പ്രതികരിച്ചു.