പത്മജ വന്നത് ക്ഷണിക്കാതെ,
വിജയപ്രതീക്ഷ പറയാതെ സുരേഷ് ​ഗോപി

തൃശൂർ: പത്മജ വേണുഗോപാൽ ബിജെപിയിലേക്കു വന്നത് ആരും ക്ഷണിക്കാതെയാണെന്ന് സുരേഷ് ​ഗോപി. അവരെ ആരും അങ്ങോട്ടു പോയി ക്ഷണിച്ചു കൂട്ടിക്കൊണ്ട് വന്നതല്ലെന്നും പത്മജ സ്വന്തം ഇഷ്ടപ്രകാരം വന്നതാണെന്നും അദ്ദേഹം മാധ്യമങ്ങളോടു പറഞ്ഞു. പത്മജയുടെ ആഗ്രഹം കേന്ദ്ര നേതൃത്വം അംഗീകരിച്ചുവെന്നു മാത്രം. ക്ഷണിക്കാതെ വരുന്നവരുടെ കാര്യം എന്താവുമെന്ന് അവർക്കു മാത്രമേ അറിയൂ എന്നും സുരേഷ് ​ഗോപി പറഞ്ഞു. ഏതായാലും താൻ തൃശൂരിൽ വിജയിക്കുമെന്ന പ്രതീക്ഷ സുരേഷ് ​ഗോപി പങ്കുവച്ചില്ല. പകരം ബിജെപിയുടെ വോട്ട് വിഹിതം കൂടുമെന്ന് മാത്രം അവകാശപ്പെട്ടു.