നഴ്‍സിന്റെ ഭർത്താവിന് കോളറ; രോഗവിവരം പുറത്തുവിടാതെ ആരോഗ്യവകുപ്പ്

തിരുവനന്തപുരം: സംസ്ഥാനത്ത് ഒരാൾക്കു കൂടി കോളറ സ്ഥിരീകരിച്ചു. തിരുവനന്തപുരം മെഡിക്കല്‍ കോളജ് ആശുപത്രിയിൽ കോളറ രോഗികളെ പരിചരിച്ച നഴ്‌സിന്റെ ഭര്‍ത്താവിനാണ് അസുഖം ബാധിച്ചത്. എന്നാൽ 2 ദിവസം മുൻപ് സ്ഥിരീകരിച്ച രോഗബാധ ആരോഗ്യവകുപ്പ് പൂഴ്ത്തിവച്ചിരിക്കുകയായിരുന്നു. കോളറ വ്യാപനമുണ്ടായ നെയ്യാറ്റിന്‍കരയിലെ ശ്രീകാരുണ്യ ഹോസ്റ്റലുമായി നേരിട്ടു ബന്ധമില്ലാത്ത യുവാവിനാണു പുതുതായി കോളറ ബാധിച്ചത്.